శర్వానంద్, ప్రియాంక అరుల్ మోహన్ జంటగా కిషోర్ డైరెక్షన్ లో తెరకెక్కిన శ్రీకారం సినిమా మహాశివరాత్రి పండుగ కానుకగా విడుదలై పాజిటివ్ టాక్ ను సొంతం చేసుకున్న సంగతి తెలిసిందే. తొలిరోజు 4 కోట్ల రూపాయల షేర్ రాబట్టిన ఈ చిత్రం రెండో రోజు కూడా బాగానే కలెక్షన్లను రాబట్టినట్టు సమాచారం. అయితే శ్రీకారం సినిమా విడుదలైన రోజు నుంచి ఈ సినిమా మహర్షి, భీష్మ సినిమాలను పోలి ఉందని క్రిటిక్స్, నెటిజన్ల నుంచి కామెంట్లు వ్యక్తమవుతున్నాయి.
అయితే శ్రీకారం కాపీ అంటూ వైరల్ అవుతున్న కామెంట్లకు ఆర్ ఎక్స్ 100 మూవీ దర్శకుడు అజయ్ భూపతి చెక్ పెట్టారు. శ్రీకారం సక్సెస్ మీట్ లో పాల్గొన్న అజయ్ భూపతి శ్రీకారం సినిమా చూసిన కొంతమంది స్నేహితులు ఈ సినిమాను వేరే సినిమాతో పోల్చి కామెంట్లు చేశారని కానీ తాను ఈ సినిమాను 2016లోనే చూశానంటూ ఆసక్తికర వ్యాఖ్యలు చేశారు. శ్రీకారం దర్శకుడు కిషోర్ 2016 సంవత్సరంలో శ్రీకారం అనే షార్ట్ ఫిలిమ్ తీశారని అజయ్ భూపతి చెప్పుకొచ్చారు. అప్పుడు తెరక్కేన షార్ట్ ఫిలిమ్ నే మరింత డెవలప్ చేసి శ్రీకారం సినిమాను తీశారని చెప్పారు.
అజయ్ భూపతి ప్రత్యక్షంగా మహర్షి సినిమాను ప్రస్తావించకపోయినా కొందరు నెటిజన్లు మాత్రం 2019 సంవత్సరంలో విడుదలైన మహర్షి సినిమానే శ్రీకారం మూవీకి కాపీనా..? అనే అనుమానాలు వ్యక్తం చేస్తున్నారు. ప్రస్తుతం శర్వానంద్ అజయ్ భూపతి డైరెక్షన్ లో తెరకెక్కుతున్న మహాసముద్రం సినిమాలో నటిస్తున్నారు. శ్రీకారం సినిమాలోని శర్వానంద్ పాత్రకు, మహాసముద్రం సినిమాలోని శర్వానంద్ పాత్రకు ఎటువంటి పోలికలు ఉండవని సమాచారం. శ్రీకారం సినిమాతో హిట్ కొట్టిన శర్వానంద్ మహాసముద్రం సినిమాతో మరో సక్సెస్ ను తన ఖాతాలో వేసుకుంటారేమో చూడాలి. 2021 సంవత్సరం ఆగష్టు 19న ఈ సినిమా విడుదల కానుంది.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
