అతిలోక సుందరి శ్రీదేవి, బోనీకపూర్ల పెద్ద కుమార్తె ఝాన్వి కపూర్ టీనేజ్ స్టైల్ ఐకాన్ గా మారింది. సినీ ప్రపంచంలోకి అడుగు పెట్టకముందే ఝాన్వికి అభిమానులు ఏర్పడిపోయారు. వీరు ఆమె నటనకు అభిమానులు కారు.. ఆమె స్టైల్ కి అభిమానులు. ఝాన్వి వేసుకునే ప్రతి డ్రస్స్ అక్కడి టీనేజర్లకి తెగ నచ్చే స్తున్నాయట. తల్లికున్న ఫాలోయింగ్ తో పాటు కూతురు స్టైల్ తో మతి పోగోడుతున్నడంతో బాలీవుడ్ నిర్మాతలు ఝాన్వి డేట్స్ కోసం శ్రీదేవి ఇంటిముందు క్యూ కడుతున్నారు.
అయినా శ్రీదేవి గ్రీన్ సిగ్నల్ ఇవ్వడం లేదు. “తను చదువు కుంటోంది. స్టడీ పూర్తి అయ్యేదాక సినిమాలు వద్దని” సున్నితంగా చెబుతోంది. ఆమె చెప్పినా ప్రొడ్యూసర్లు వెనక్కి తగ్గకుండా ఝాన్వి ని కలిసి స్టోరీలు వినిపించేస్తున్నారట. ఈ సంగతి తెలుసుకున్న శ్రీదేవి కూతురితో తొందర పడవద్దని చెప్పినట్లు సమాచారం.
బోనీ కపూర్ మాత్రం కరణ్ జోహార్ ఆధ్వర్యంలో ఝాన్వి ని “స్టూడెంట్ ఆఫ్ ది ఇయర్ సీక్వల్” తో తెరంగ్రేటం చేయించ డానికి సిద్ధమైనట్లు బాలీవుడ్ వర్గాలు చెబుతున్నాయి.
