‘కొత్త బంగారు లోకం’ ‘సీతమ్మ వాకిట్లో సిరిమల్లె చెట్టు’ వంటి విజయవంతమైన చిత్రాలతో ప్రేక్షకుల్ని అలరించి టాప్ డైరెక్టర్స్ లిస్ట్ లో స్థానం సంపాదించుకున్నాడు శ్రీకాంత్ అడ్డాల. కానీ అటు తర్వాత చేసిన ‘ముకుంద’ ప్లాప్ అవ్వగా ‘బ్రహ్మోత్సవం’ చిత్రం డిజాస్టర్ అయ్యింది. దాంతో ఒక్కసారిగా ఆయన గ్రాఫ్ పడిపోయింది. ఈ క్రమంలో ‘అసురన్’ ను ‘నారప్ప’ గా రీమేక్ చేసే అవకాశం దక్కినా..అది ఈయనకి పెద్దగా ఉపయోగపడలేదు. అసురన్ ను యాజ్ ఇట్ ఈజ్ గా దింపేయడంతో ఈయన మార్క్ కనిపించలేదు.
పైగా ఆ మూవీ ఓటిటిలో రిలీజ్ అవ్వడంతో హిట్ అయ్యిందో.. ప్లాప్ అయ్యిందో కూడా జనాలకి తెలీదు. వ్యూయర్ షిప్ పరంగా కూడా అమెజాన్ వారు పెట్టిన పెట్టుబడిని అయితే వెనక్కి రాబట్టలేదనే టాక్ కూడా ఉంది. అయినప్పటికీ ‘గీతా ఆర్ట్స్’ సంస్థలో ఓ సినిమా చేసే అవకాశం శ్రీకాంత్ కు దక్కింది. ‘అన్నాయ్’ అనే లైన్ ను రెడీ చేసుకుని దానిని డెవలప్ చేసే పనిలో పడ్డాడు శ్రీకాంత్. నెలకి రూ.1 లక్ష వరకు పారితోషికం తీసుకుంటూ పనిచేయడం మొదలుపెట్టాడు.
ఈ మూవీలో ఇద్దరు హీరోలు ఉండాలి. చిరు- బన్నీ లకి ఈ కథ సూట్ అవుతుందని భావించి అల్లు అరవింద్ గారి రిఫరెన్స్ తో వారికి కథని వినిపించారు. ఇద్దరూ పాజిటివ్ గా రియాక్ట్ అయ్యారు. కానీ శ్రీకాంత్ ‘అన్నాయ్’ స్క్రిప్ట్ ను పూర్తిచేయడం లేదు. స్క్రిప్ట్ ను కంప్లీట్ చేయడంలో ఈయన ఎప్పుడూ ఉత్సాహం చూపించడు. సెట్స్ కు వెళ్ళాక వచ్చే ఐడియాలతోనే ముందుకు వెళ్ళాలనే నైజం ఇతనిదని చాలా మంది చెబుతుంటారు.
మరి ‘అన్నాయ్’ ను కంప్లీట్ చేస్తాడా? ‘గీతా ఆర్ట్స్’ సంస్థ అయితే తమ ప్రాజెక్టు కంప్లీట్ అయ్యే వరకు ఎవ్వరినీ అంత ఈజీగా వదిలే రకం కాదు. చూడాలి మరి ఏం జరుగుతుందో..!
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home