అదరగొడుతున్న శ్రీకాంత్.. ‘స్టార్ స్టార్’ సాంగ్..!

పబ్లిక్ స్టార్ శ్రీకాంత్‌ నటిస్తున్న తాజా చిత్రం ‘మార్షల్‌’. ఈ చిత్రం ద్వారా అభయ్‌ అనే కుర్ర హీరో పరిచయమవుతున్నాడు . ‘ఏవీయల్‌ ప్రొడక్షన్స్‌’ బ్యానర్ పై రూపొందుతున్న ఈ చిత్రానికి జై రాజసింగ్‌ దర్శకుడు. మేఘా చౌదరి, రష్మి సమాంగ్‌ హీరోయిన్లు గా నటిస్తున్న ఈ చిత్రాన్ని అభయ్‌ అడక నిర్మిస్తున్నాడు. ఇటీవల విడుదల చేసిన ఈ చిత్రం టీజర్ కు మంచి స్పందన లభించిన సంగతి తెలిసిందే. సస్పెన్స్ థ్రిల్లర్ గా ఈ చిత్రం తెరకెక్కుతుందని టీజర్ చెప్పకనే చెప్పింది.

వరికప్పుల యాదగిరి ఈ చిత్రానికి సంగీత దర్శకుడు. తాజాగా ఈ చిత్రంలోని ఓ పాటని విడుదల చేసారు చిత్ర యూనిట్. ‘స్టార్ స్టార్’ అంటూ సాగే ఈ పాట ఆకట్టుకునే విధంగా ఉంది. ఓ స్టార్ హీరో అభిమాని ఎలా ఉంటాడు అనేది.. ఈ పాటలోని లిరిక్స్ తో అలరించే ప్రయత్నం చేసారు. ఫస్ట్ లుక్ విడుదలైన దగ్గరనుండీ… టీజర్, రిలీజ్ డేట్.. ఫైనల్ గా సినిమా విడుదలయ్యే వరకూ అభిమానులు ఎటువంటి సందడి చేస్తారు. ట్విట్టర్లో ఎటువంటి ప్రమోషన్ చేస్తారు అనేది ఈ పాటలో బాగా వర్ణించారు. ‘సూపర్ స్టార్ శివాజీ గా’ శ్రీకాంత్ ఈ లిరికల్ సాంగ్ లో కనిపిస్తున్నాడు. ఏ స్టార్ హీరో ఫ్యాన్ అయినా ఈ పాట కచ్చితంగా వినాలి అనే విధంగా ఉంది. టీజర్ తో పాటు.. ఈ పాట కూడా సినిమా పై అంచనాల్ని పెంచే విధంగా ఉంది.