ఎన్టీఆర్ బయోపిక్ ను క్రిష్ రెండు భాగాలుగా విడుదల చేస్తుంటే.. “లక్ష్మీస్ ఎన్టీఆర్” అంటూ వర్మ మరో బయోపిక్ ను విడుదల చేయనున్నాడు. ఈ పంథాలో తాజాగా తెలంగాణ ముఖ్యమంత్రి కె.సి.ఆర్ జీవితం ఆధారంగా మరో బయోపిక్ ను రంగంలోకి దించారు. తెలంగాణ సాధనలో కీలకపాత్ర పోషించిన ప్రస్తుత ఆపద్ధర్మ ముఖ్యమంత్రి కేసీఆర్ జీవిత చరిత్ర ఆధారంగా బయోపిక్ మూవీకి ఎప్పటి నుండో ప్రయత్నాలు మొదలయ్యాయి. ఈ మూవీలో కేసీఆర్ పాత్రను బాలీవుడ్ నటుడు నవాజుద్దీన్ సిద్దిఖీ పోషిస్తారంటూ అప్పట్లో వార్తలు వచ్చాయి. అయితే అలాంటిదేం లేదంటూ సదరు నటుడు ఈ రూమర్స్కి చెక్ పెట్టాడు.
అయితే ఇటీవల కేసీఆర్ జీవిత్ర చరిత్ర ఆధారంగా ‘తెలంగాణ దేవుడు’ అనే సినిమాను లాంచ్ చేశారు. ఈ సినిమాలో కేసీఆర్గా హీరో శ్రీకాంత్ నటిస్తున్నారనేది లేటెస్ట్ అప్డేట్. దీనిపై అధికారిక ప్రకటన రావాల్సి ఉండగా.. కేసీఆర్ పాత్ర కోసం శ్రీకాంత్ మేకోవర్ మొదలు పెట్టారట. ఇప్పటికే కేసీఆర్ ప్రసంగాలను వినే పనిలో పడ్డారట శ్రీకాంత్. నూతన దర్శకుడు హరీష్ ఈ చిత్రానికి దర్శకత్వం వహిస్తున్నారు.
