శ్రీకాంత్ తనయుడి కోసం “పెళ్లి సందడి” రీమేక్!

అప్పుడే విలన్ నుంచి హీరోగా మారిన శ్రీకాంత్ కెరీర్ కు సూపర్ కిక్ ఇచ్చిన చిత్రం “పెళ్లి సందడి”. హిలేరియస్ ఫ్యామిలీ ఎంటర్ టైనర్ గా తెరకెక్కిన ఆ చిత్రం ఘన విజయం సొంతం చేసుకోవడంతోపాటు కథానాయకుడిగా శ్రీకాంత్ కు తెలుగు ఇండస్ట్రీలో బలమైన పునాది వేసింది. దర్శకేంద్రులు రాఘవేంద్రరావు తెరకెక్కించిన ఈ చిత్రంలో పాటలు అప్పట్లో ఓ సంచలనం.

ఇప్పుడీ చిత్రాన్ని రీమేక్ చేసేందుకు సన్నాహాలు జరుగుతున్నాయని తెలుస్తోంది. శ్రీకాంత్ తనయుడు రోషన్ సదరు రీమేక్ లో నటించనున్నాడని సమాచారం. ఈ చిత్రానికి ఎవరు దర్శకత్వం వహిస్తారు? ఎవరు నిర్మిస్తారు? వంటి వివరాలు తెలియాల్సి ఉంది. ఇకపోతే.. రోషన్ పరిచయ చిత్రం “నిర్మలా కాన్వెంట్” జూన్ లో విడుదల కానుంది!