హాస్యనటుడు శ్రీనివాస్ రెడ్డి సింపుల్ గా మాట్లాడుతూ కామెడీ పండిస్తుంటారు. హీరోల పక్కన ఫ్రెండ్ గా అనేక చిత్రాల్లో నవ్వులు పేల్చిన ఈ నటుడు మాత్రం సూపర్ స్టార్ మహేష్ బాబుని ప్రశంసలతో ముంచెత్తుతున్నాడు. ప్రిన్స్ తన కామెడీ టైమింగ్ ఖలేజా సినిమాలో ఫుల్ గా ఎంజాయ్ చేయొచ్చు. దూకుడులోను సూపర్ స్టార్ ఇరగదీసాడు. ఇది అందరికీ తెలిసిందే. అయితే శ్రీనివాస్ రెడ్డి కొత్తగా చెప్పేది ఏముంది అనుకుంటున్నారా? ఆయన చెప్పేది స్క్రీన్ మీద మహేష్ గురించి కాదు.
ఆఫ్ స్క్రీన్ సూపర్ స్టార్ గురించి. సెట్ లో తోటి నటులతో ఆయన పేల్చే జోకులు సూపర్ అంట. ప్రధానంగా ఇతరులు వేసిన పంచ్ కి స్పాంటేనియస్ గా మహేష్ బాబు ఇచ్చే రీ పంచ్ మరింత పేలుతుందని వివరించారు. వాటిని దగ్గర ఉండి ఎంజాయ్ చేసే అవకాశం కొంతమందికి మాత్రమే ఉంటుందని వెల్లడించారు. ఎందుకంటే సూపర్ స్టార్ పబ్లిక్ లోకి వస్తే చాలా రిజర్వ్డ్ గా ఉంటారు. అప్పుడు ప్రిన్స్ లో ఈ కోణం చూడలేము కదా.
