వెంకీ ని టార్గెట్ చేసిన శ్రీను వైట్ల??

శ్రీను వైట్ల…ఈ దర్శకుడి పేరు వింటే ఒకప్పుడు కామెడీ…టైమింగ్ అంటూ ఉప్పొంగిపోయవాళ్ళు టాలీవుడ్ అభిమానులు…అయితే శ్రుతి మించితే శృంగారం అయినా చేదు అన్నట్లు పాపం ఆ కామెడీ డోస్ ఎక్కువై…చివరకు ఫ్లాప్ డైరెక్టర్ గా మిగిలిపోయాడు మన శ్రీను…అయితే అదే క్రమంలో దూకుడు సినిమాతో మంచి పేరు తెచ్చుకున్న శ్రీను వైట్ల…ఆగడు…బ్రూస్ లీ సినిమాల పుణ్యమా అని పాతాళానికి పడిపోయాడు…అయితే మళ్లీ తన ఉనికి చాటుకోవడం కోసం మరో ప్రయత్నంగా…మెగా హీరో వరుణ్ తెజ్ తో కలసి “మిస్టర్” సినిమా తీస్తున్నాడు…అయితే వరుస పరాజయాలు పలకరించినా శ్రీను వైట్ల విషయంలో తన కామెడీ టైమింగ్ మిస్ అవలేదంటా…యధావిధిగా కొందరిని టార్గెట్ చేసి కామెడీ పండించే దిశగా స్క్రీన్‌ప్లే చేసాడని సమాచారం….విషయంలోకి వెళితే….ఒక డిఫరెంట్ లవ్ స్టోరీగా వచ్చేవారం విడుదలకాబోతున్న మిస్టర్ మూవీ గురించి ఒక ఆసక్తికర న్యూస్ ఇప్పుడు టాలీవుడ్ లో హల్‌చల్ చేస్తుంది… అదేమిటి అంటే…ఈసినిమాలో శ్రీనువైట్ల ఒక టాప్ హీరో పై సెటైర్లు వేశాడట.

గతంలోకి తొంగి చూస్తే….‘దుబాయ్ శీను’ లో సూపర్ స్టార్ కృష్ణను పోలిన పాత్రను ఎమ్మెస్ నారాయణతో చేయించి బోలెడన్ని నవ్వులు పంచిన వైట్ల ‘కింగ్’ సినిమాలో జయసూర్య పాత్ర మ్యూజిక్ డైరెక్టర్ చక్రిని ఉద్దేశించి పెట్టాడన్న అభిప్రాయాలు వినిపించిన నేపధ్యం తెలిసిందే. అదేక్రమంలో తన లేటెస్ట్ మూవీ ‘మిస్టర్’ లో వెంకటేష్ ను టార్గెట్ చేసినట్లు తెలుస్తోంది. ఈమూవీలో కమెడియన్ పృథ్వీ చేస్తున్న పాత్ర వెంకీని ఉద్దేశించిందే అన్న అభిప్రాయాలు వ్యక్తమవుతున్నాయి. పృథ్వీ చేస్తున్న పాత్ర పేరు ‘లక్ష్మీ తులసి’ కావడం విశేషం. ఈరెండూ వెంకీ సినిమాల పేర్లు అవ్వడంతో వెంకటేష్ ను టార్గెట్ గా చేసుకుని ఏవో కొన్ని డైలాగులు పృథ్వీ చేత పలికించినట్లు టాక్. మరి పేరడీ పెట్టాడో…లేక డైరెక్ట్ వెంకీని టార్గెట్ గా సీన్స్ రాసుకున్నాడో సినిమా విడుదల అయితే కానీ తెలీదు….చూద్దాం ఏం జరుగుతుందో.

Also, do SUBSCRIBE to our YouTube channel to get latest Tollywood updates.