SS Thaman: నేను చూసిన వ్యక్తుల్లో అనుష్క బెస్ట్.. థమన్ కామెంట్స్ వైరల్!

టాలీవుడ్ స్టార్ మ్యూజిక్ డైరెక్టర్లలో ఒకరైన థమన్ (SS Thaman) ఏ మాత్రం గ్యాప్ లేకుండా వరుసగా క్రేజీ ప్రాజెక్ట్ లతో బిజీగా ఉన్నారు. తెలుగులో దాదాపుగా అందరు స్టార్ హీరోలతో థమన్ పని చేశారు. ఈతరం మ్యూజిక్ డైరెక్టర్లలో వేగంగా మ్యూజిక్ ఇస్తూ అదే సమయంలో సక్సెస్ రేట్ ను సైతం అంతకంతకూ పెంచుకుంటున్న మ్యూజిక్ డైరెక్టర్ థమన్ అని చెప్పడంలో సందేహం అక్కర్లేదు. థమన్ తాజాగా అనుష్క గురించి కామెంట్స్ చేయగా ఆ కామెంట్స్ వైరల్ అవుతున్నాయి.

SS Thaman

స్టార్ హీరోయిన్ అనుష్క (Anushka Shetty) నాకు ఎంతో ఇష్టమైన వ్యక్తి అని థమన్ తెలిపారు. అనుష్క మంచి మనిషి అని ఆమె మనస్సు బంగారం అని థమన్ కామెంట్లు చేశారు. ప్రతి సంవత్సరం సెప్టెంబర్ నెలలో అనుష్క నాకు ఒక ఐఫోన్ బహుమతిగా ఇస్తుందని థమన్ వెల్లడించారు. అనుష్కతో భాగమతి మూవీ షూట్ సమయంలో నాకు ఐఫోన్ అంటే ఇష్టమని మూవీ బ్లాక్ బస్టర్ అయితే నాకు ఐఫోన్ ఇవ్వాలని అన్నానని థమన్ తెలిపారు.

అప్పటినుంచి ప్రతి సంవత్సరం ఐఫోన్ నాకు బహుమతిగా వస్తుందని థమన్ పేర్కొన్నారు. అనుష్క అంటే నాకు చాలా అభిమానమని నేను చూసిన బెస్ట్ వ్యక్తులలో ఆమె కూడా ఒకరని థమన్ తెలిపారు. అనుష్క కెరీర్ విషయానికి వస్తే ప్రస్తుతం ఒక మలయాళ ప్రాజెక్ట్ తో బిజీగా ఉన్న ఈ బ్యూటీ త్వరలో తెలుగులో కూడా బిజీ కానున్నారని తెలుస్తోంది. భాగమతి (Bhaagamathie) సీక్వెల్ లో సైతం అనుష్క నటిస్తారని ఇండస్ట్రీ వర్గాల భోగట్టా.

అనుష్క రెమ్యునరేషన్ చాలామంది హీరోయిన్లతో పోల్చి చూస్తే ఒకింత ఎక్కువ మొత్తమే అని సమాచారం అందుతోంది. అనుష్క వరుస సినిమాలలో నటిస్తూ కెరీర్ పరంగా భారీ విజయాలను అందుకోవాలని ఫ్యాన్స్ భావిస్తున్నారు. అనుష్క బ్యాక్ టు బ్యాక్ సినిమాలతో కెరీర్ పరంగా బిజీ అయితే ఫ్యాన్స్ ఆనందానికి అవధులు ఉండవనే సంగతి తెలిసిందే.

నెట్టింట హల్ చల్ చేస్తున్న నేహా శెట్టి గ్లామరస్ ఫోజులు.!