డ్రగ్స్ రాకెట్ కేసుల్లో ఎక్కువగా బాలీవుడ్ సెలబ్రిటీలే దొరికిపోతూ ఉండడం అందరికీ షాకిస్తున్న అంశం. ఆల్రెడీ ఆర్యన్ ఖాన్ వ్యవహారం దేశం మొత్తాన్ని కుదిపేసింది. తమ పై కుట్ర చేసి డ్రగ్స్ కేసులో ఇరికించారని ఆర్యన్ ఖాన్, షారుఖ్ ఖాన్‌లు కన్నీళ్లు పెట్టుకుని విషయాన్ని సైడ్ ట్రాక్ కు ఎక్కించారు. అదే క్రమంలో క్రూయిజ్ డ్రగ్స్ కేసు డీల్ చేసిన సమీర్ వాంఖడే సైతం చిక్కుల్లో చిక్కుకున్నాడు. ఇప్పుడు బాలీవుడ్ స్టార్ హీరోయిన్ శ్రద్ధాకపూర్‌ సోదరుడు సిద్ధాంత్ కపూర్‌ని బెంగళూరు పోలీసులు అదుపులోకి తీసుకోవడం హాట్ టాపిక్ అయ్యింది.
ఓ రేవ్ పార్టీలో ఇతను డ్రగ్స్ తీసుకున్నారనే ఆరోపణలతో ఇతన్ని అదుపులోకి తీసుకున్నారు పోలీసులు. వీకెండ్ పార్టీ పేరుతో ఆదివారం నాడు రాత్రి బెంగళూరు ఎంజీ రోడ్డులో రేవ్ పార్టీ నిర్వహించినట్టు పోలీసులకు సమాచారం వెళ్ళింది. వెంటనే పోలీసులు అక్కడ రైడ్ చేశారు. ఈ రైడ్ లో దాదాపు 35 మందిని పోలీసులు అదుపులోకి తీసుకున్నట్లు సమాచారం. వీరిలో శ్రద్దా కపూర్ సోదరుడు సిద్ధాంత్ కూడా ఉన్నాడు. వీరి శాంపిల్స్‌ ను సేకరించి… టెస్టుల కోసం ల్యాబ్‌కు పంపించారు పోలీసులు.
సిద్ధాంత్ కపూర్ కూడా డ్రగ్స్ తీసుకున్న వారిలో ఒకడని పోలీసులు గట్టిగా చెబుతున్నారు. అయితే ఇక్కడ తేలాల్సిందల్లా.. వీళ్ళు డ్రగ్స్ తీసుకొని పార్టీకి వచ్చారా..? లేక పార్టీకి వచ్చి డ్రగ్స్ తీసుకున్నారా? అనేది మాత్రమే..! పోలీసులు ఈ విషయం పై సీరియస్ గా దర్యాప్తు చేస్తున్నారు. ఇక సిద్ధాంత్ పలు బాలీవుడ్ సినిమాల్లో కూడా నటించాడు. ‘భౌకాల్’, ‘షూట్‌ ఔట్‌ వాడాలా’, ‘అగ్లీ’ వంటి చిత్రాల్లో సిద్ధాంత్ నటించడం జరిగింది. ఇక ఇతని సోదరి శ్రద్ధా కపూర్ ‘సాహో’ చిత్రంతో తెలుగు ప్రేక్షకులకి పరిచయమైన సంగతి తెలిసిందే.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
