‘దేవర’ (Devara) సినిమా థియేటర్లలోకి వచ్చేంతవరకు ‘జాన్వీ కపూర్‌’ (Janhvi Kapoor) గురించి చాలా రకాల వార్తలు వచ్చాయి. ఆ సినిమాలో హీరోయిన్‌గా మూడో ఛాన్స్.. ఈ సినిమాలో స్పెషల్‌ సాంగ్‌ అంటూ రకరకాల వార్తలు వచ్చాయి. అయితే ఏమైందో ఏమో తారక్‌ ‘దేవర’ వచ్చిన తర్వాత వార్తలు అన్నీ మారుతున్నాయి. మొన్నటికి మొన్న మూడో సినిమా విషయంలో హీరోయిన్‌ మార్పు వార్త బయటకు వస్తే.. ఇప్పుడు స్పెషల్‌ సాంగ్‌ విషయంలో బయటకు వచ్చింది.
అల్లు అర్జున్‌ (Allu Arjun) – సుకుమార్‌ (Sukumar) కాంబినేషన్‌లో తెరకెక్కుతున్న సీక్వెల్‌ చిత్రం ‘పుష్ప: ది రూల్‌’ (Pushpa 2: The Rule). ఈ సినిమాలో ఓ స్పెషల్‌ సాంగ్‌ ఉంది అని చాలా నెలలుగా వార్తలు వస్తూనే ఉన్నాయి. ఇదిగో షూటింగ్‌, అదిగో షూటింగ్‌ అంటూ అప్‌డేట్‌లు వస్తున్నాయి. అయితే ఏమైందో కానీ ఇంకా షూటింగ్‌ మొదలుకాలేదు. అయితే హీరోయిన్‌ ఇంకా ఫిక్స్‌ కాకపోవడం వల్లే అని తెలుస్తోంది. ఈ క్రమంలో కొత్త హీరోయిన్‌ పేరు చర్చలోకి వచ్చింది.
‘పుష్ప’ సీక్వెల్‌లో ఐటెమ్‌ సాంగ్‌ కోసం మరో సీక్వెల్‌తో ఇండస్ట్రీ హిట్‌ కొట్టిన హీరోయిన్‌నే ఓకే చేశారు అని చెబుతున్నారు. ‘స్త్రీ’ సినిమా సీక్వెల్‌ ‘స్త్రీ 2’తో (Stree 2) ఇటీవల భారీ విజయాన్ని అందుకుంది శ్రద్ధ కపూర్‌ (Shraddha Kapoor) . ఇప్పుడు ఆమెనే ‘పుష్ప’రాజ్‌తో ఆడిపాడటానికి ఓకే చేశారని చెబుతున్నారు. త్వరలో పాట షూటింగ్‌ ప్రారంభమవుతుంది అని చెబుతున్నారు. ఈ లెక్కన జాన్వీ కపూర్‌ ఊహాగానాలకు తెరపడినట్లే.
‘దేవర’ తర్వాత రామ్‌చరణ్‌తో (Ram Charan) జాన్వీ సినిమా చేస్తోంది అని వార్తలు రాగానే.. బన్నీతో కూడా చేస్తోంది అంటూ ‘పుష్ప: ది రూల్‌’ (Pushpa 2) ఐటెమ్‌ సాంగ్‌ మాటెత్తుకున్నారు. కానీ ఇప్పట్లో ఐటెమ్‌ సాంగ్‌ చేయనని ఆమె పట్టుబట్టి కూర్చుందట. దీంతో మరో కపూర్‌ గర్ల్‌ను తీసుకున్నారు అని చెబుతున్నారు. మరి సమంత రేంజి హాట్‌నెస్‌ను శ్రద్ధ ఈసారి చూపిస్తుందో లేదో చూడాలి. ఎందుకంటే ‘ఉ అంటావా.. ఊఊ అంటావా’ పాట ఆ రేంజిలో విజయం అందుకుంది మరి.
