మోసగాళ్లతో రిలేషన్స్ పెట్టుకోవడం వలన ఇదివరకు కొందరు బాలీవుడ్ హీరోయిన్లు సమస్యలను ఎదుర్కొన్నారు. నిందలు మోయడంతో పాటు జైలు జీవితం కూడా గడపాల్సిన పరిస్థితి ఏర్పడింది. మోనికా బేడీ లాంటి నటి అండర్ వరల్డ్ డాన్ తో సంబంధాలు పెట్టుకొని జైలుకి వెళ్లింది. ఇప్పుడు ఇలాంటి పరిస్థితి నటి జాక్వెలిన్ ఫెర్నాండేజ్ కి వచ్చింది. సుఖేష్ చంద్రన్ అనే వ్యక్తితో కొంతకాలం పాటు రిలేషన్ లో ఉంది జాక్వెలిన్. అతడు మనీలాండరింగ్ కేసులో దొరికిపోయాడు.
దీంతో అధికారులు సుఖేష్ ని అరెస్ట్ చేసి విచారిస్తున్నారు. అలానే అతడితో సంబంధం ఉన్నవారిని కూడా విచారిస్తున్నారు. సుఖేష్ తో రిలేషన్ లో ఉండి.. అతడి నుంచి ఖరీదైన బహుమతులను పొందిందని జాక్వెలిన్ ఆరోపణలను ఎదుర్కొంటుంది. సుఖేష్ తో మనీలాండరింగ్ వ్యవహారాలలో కూడా జాక్వెలిన్ కి భాగం ఉండే అవకాశం ఉందని ఆమెని అరెస్ట్ కూడా చేశారు అధికారులు. ఆ తరువాత మధ్యంతర బెయిల్ పై ఆమె విడుదలైంది. కానీ రెగ్యులర్ గా విచారణకు హాజరవుతూనే ఉంది.
ఇదిలా ఉండగా.. తాజాగా ఆమె కోర్టుకి ఇచ్చిన వాంగ్మూలంలో ఎమోషనల్ అయినట్లు తెలుస్తోంది. సుఖేష్ తో రిలేషన్ కారణంగా తన జీవితం పూర్తిగా నాశనమైందని జాక్వెలిన్ వాపోయింది. అతడు మోసగాడనే విషయం తనకు తెలియదని.. అతడి తప్పులను తెలుసుకోలేకపోయానని వివరించింది. తన జీవితం సర్వనాశనం కావడానికి అతడే కారణమని.. తన ఎమోషన్స్ తో ఆడుకున్నాడని చెప్పుకొచ్చింది. సన్ టీవీ అధినేతగా సుఖేష్ తనను తాను పరిచయం చేసుకున్నాడని..
తమిళనాడు మాజీ ముఖ్యమంత్రి జయలలిత తనకు బంధువని చెప్పాడని తెలిపింది జాక్వెలిన్. సుఖేష్ నుంచి గిఫ్ట్స్ తీసుకున్న విషయాన్ని జాక్వెలిన్ అంగీకరించింది. సౌత్ సినిమాల్లో నటించడానికి సుఖేష్ తనను రికమెండ్ చేస్తానని చెప్పాడని వివరించింది జాక్వెలిన్. కానీ ఈ వివాదం వలన జాక్వెలిన్ కి బాలీవుడ్ తో పాటు సౌత్ లో కూడా కొన్ని అవకాశాలు చేజారిపోయాయి.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
Home
