‘సమరసింహా రెడ్డి’ ‘నరసింహ నాయుడు’ వంటి చిత్రాలు ఇండస్ట్రీ హిట్లవ్వడంతో ఫ్యాక్షన్ సినిమాలకు కేరాఫ్ అడ్రస్ గా మారిపోయారు నందమూరి బాలకృష్ణ. దీంతో అటు తర్వాత వచ్చిన ‘చెన్నకేశవరెడ్డి’ అనే మరో ఫ్యాక్షన్ మూవీ పై భారీ అంచనాలు నెలకొన్నాయి. అప్పటికే ఎన్టీఆర్ తో ‘ఆది’ అనే ఫ్యాక్షన్ మూవీ చేసి బ్లాక్ బస్టర్ అందుకున్న వి.వి.వినాయక్ ఈ చిత్రాన్ని తెరకెక్కించడంతో అంచనాలు ఓ రేంజ్లో పెరిగాయి. కానీ ఈ సినిమా అంచనాలను అందుకోలేకపోయింది.
అలా అని ప్లాప్ సినిమా అయితే కాదు.బాలయ్య అభిమానులను ఫుల్ గా సంతృప్తి పరిచిన మూవీ ఇది. వాళ్ళు ఈ మూవీని ఓ కల్ట్ క్లాసిక్ గా చూస్తారు. ‘చెన్నకేశవరెడ్డి’ లో కొన్ని మాస్ సీన్లు ఇప్పటికీ ప్రేక్షకులను అలరిస్తూనే ఉన్నాయి. చాలా కాలం తర్వాత ఈ చిత్రం గురించి కొన్ని ఆసక్తికరమైన సంగతులు చెప్పుకొచ్చారు దర్శకుడు వినాయక్. ముఖ్యంగా ఈ చిత్రంలో చెల్లెలి పాత్రని దేవయాని గారు చేశారు. అప్పటి వరకు మాస్ సినిమాల్లో వచ్చిన చెల్లెలి పాత్రలు వేరు..
ఈ సినిమాలో చెల్లెలి పాత్ర వేరు అనే విధంగా వినాయక్ దీనిని తీర్చిదిద్దారు. చాలా పవర్ ఫుల్ గా ఉంటుంది ఈ పాత్ర. నిజానికి ఈ పాత్రకి దేవయాని గారు ఫస్ట్ ఛాయిస్ కాదట. ఒకప్పటి స్టార్ హీరోయిన్ లయ ని ఈ పాత్ర కోసం అడిగారట వినాయక్ గారు. అందుకు లయ కంట్లో నీళ్లు పెట్టుకుందట. ‘చెల్లెలి పాత్రకే ఎందుకు అడుగుతారు? తెలుగమ్మాయిలు హీరోయిన్‌గా పనికిరారా? అని ఆమె ఏడ్చేసిందట.
‘మీ ముఖం సాఫ్ట్ గా ఉంటుంది అని భావించి ఆ పాత్ర కోసం అడిగాను’ అని వినాయక్ సర్దిచెప్పి వచ్చేసారట.అటు తర్వాత దేవయాని గారిని అడగ్గానే ఒకే చెప్పేశారని వినాయక్ చెప్పారు. అయితే చెల్లెలు పాత్రని మిస్ చేసుకున్నా.. ‘విజయేంద్ర వర్మ’ లో బాలయ్య సరసన హీరోయిన్ గా నటించి ఆ ముచ్చట తీర్చుకుంది లయ.
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
