Bigg Boss: రోజుకి రూ.5 లక్షలు.. అయినా రిజెక్ట్ చేసింది!

October 1, 2021 / 03:01 PM ISTByFilmy Focus

Join Us

Bigg Boss: రోజుకి రూ.5 లక్షలు.. అయినా రిజెక్ట్ చేసింది!

బిగ్ బాస్ హిందీ వెర్షన్ కు బాలీవుడ్ స్టార్ హీరో సల్మాన్ ఖాన్ హోస్ట్ గా వ్యవహరిస్తోన్న సంగతి తెలిసిందే. వీకెండ్స్ లో మాత్రమే కనిపించే సల్మాన్ ఖాన్ కి రెమ్యునరేషన్ గా కోట్లు ఇస్తుంటారు. హోస్ట్ కి మాత్రమే కాదు.. పోటీదారులు కూడా మంచి రేంజ్ లో రెమ్యునరేషన్స్ ఇస్తున్నారు. ఈ క్రమంలో రియా చక్రవర్తికి మంచి ఆఫర్ వచ్చిందట. ఈమెని తాజా సీజన్ లో కంటెస్టెంట్ గా పాల్గొనమని ఆఫర్ చేశారట. దానికి ఆమెకి వారానికి రూ.35 లక్షల చొప్పున రెమ్యునరేషన్ కూడా ఆఫర్ చేశాడట.

అయితే ఈ ఆఫర్ ను రియా రిజెక్ట్ చేసినట్లు తెలుస్తోంది. సుశాంత్ సింగ్ మరణం సమయంలో రియా పేరు పలు వివాదాల్లో వినిపించింది. ఈమెని విపరీతంగా ట్రోల్ చేస్తూ సోషల్ మీడియాలో పోస్ట్ లు పెట్టారు. సుశాంత్ చావుకి రియాన్ కారణమన్నట్లుగా రచ్చ చేశారు. ఇక డ్రగ్స్ వ్యవహారంలో కూడా ఆమె విచారణను ఎదుర్కొంది. కొన్నాళ్లపాటు జైల్లో కూడా ఉంది. ఆ తరువాత బెయిల్ పై రిలీజ్ అయింది. ఇలాంటి నేపథ్యం ఉన్న రియా బిగ్ బాస్ హౌస్ కి వస్తే తమకు ప్లస్ అవుతుందని బిగ్ బాస్ నిర్వాహకులు భావించినట్లుగా ఉన్నారు.

దీంతో ఆమెని షో కోసం సంప్రదించగా.. రియా మాత్రం ‘నో’ చెప్పిందట. హౌస్ లో ఉన్నన్ని రోజులూ.. రోజుకి రూ.5 లక్షల చొప్పున రెమ్యునరేషన్ కూడా ఆఫర్ చేశారట. అయినప్పటికీ రియా మాత్రం అంగీకరించలేదట. ఈ బ్యూటీకి బాలీవుడ్ లో అవకాశాలు కూడా రావడం లేదు. ఆమెని బ్యాన్ చేసినట్లుగా ట్రీట్ చేస్తున్నారు.