బుల్లితెర పై అద్భుతమైన టి.ఆర్.పి రేటింగ్ లు నమోదు చేసిన షోలలో ‘బిగ్ బాస్ షో’ కూడా ఒకటి. అయితే ఈ షో ఎన్నో వివాదాలకు తెరలేపిన సంగతి తెలిసిందే. నార్త్ లో సక్సెస్ అయిన ఈ షో సౌత్ లో ప్రారంభమవుతుంది అని తెలిసినప్పుడు చాలా మంది అభ్యంతరం తెలిపారు. కోర్టులో కేసులు వేయడం కూడా జరిగింది. ఈ షోలో హగ్గులు, ముద్దులు, ప్రేమ కథలు వంటి కుర్రకారుని ఆకట్టుకునే స్టఫ్ చాలా ఉంటుంది. అయితే కంటెస్టెంట్ ల ఎంపిక మాత్రం నిర్వాహకులకు పెద్ద టాస్క్ అయిపోయింది. షో ప్రారంభమయ్యే టైంకి ఎవరో ఒకరిని పట్టుకురావాలి.
అందులోనూ క్రేజ్ ఉన్న వాళ్ళే అయ్యుండాలి. ఈ క్రమంలో వివాదాలతో ఫేమస్ అయిన వాళ్ళైనా సరే సెలబ్రటీలే కదా అన్నట్టు వాళ్ళని కూడా కంటెస్టెంట్లుగా తీసుకొచ్చేస్తున్నారు. హిందీ బిగ్ బాస్ లో అయితే ఏకంగా క్యాస్టింగ్ కౌచ్ ఆరోపణలు ఎదుర్కొంటున్న వ్యక్తిని కూడా కంటెస్టెంట్ గా తీసుకొచ్చారు. దీంతో ఆమె పై ఆరోపణలు చేసిన నటి పెద్ద ఎత్తున విరుచుకుపడుతూ ఓ వీడియో చేసింది. వివరాల్లోకి వెళితే..సల్మాన్ ఖాన్ హోస్ట్ చేస్తున్న హిందీ బిగ్ బాస్ సీజన్ 16 లో ఒకప్పటి బాలీవుడ్ దర్శకుడు సాజిద్ ఖాన్ ను కంటిస్టెంట్ గా తీసుకున్నారు.
అయితే 2008లో పవిత్ర రిష్తా సీరియల్ నటి కనిష్క సోనికి తన సినిమాలో అవకాశం ఇస్తానని చెప్పి .. తన ఫ్లాట్ కి పిలిచి.. టాప్ తీసేసి.. నడుము చూపించమన్నాడట.గత నెలలో అతని పేరు చెప్పడానికి భయపడ్డానని.. చెప్పిన ఆమె ఇప్పుడు సాజిద్ ఖాన్ పేరు చెప్పి అందరికీ షాకిచ్చింది. ఆమె ఓ వీడియో ద్వారా మాట్లాడుతూ.. “నాకు అవకాశం ఇవ్వడం కోసం అతను నన్ను ఏమేమి అడిగాడో చెప్పాలంటే భయంగా ఉంది. ఇలాంటి సెలబ్రిటీలు ఏ సమయంలో అయినా నన్ను చంపేయొచ్చు.
నాకు ప్రభుత్వం మీద, చట్టాల మీద నమ్మకం లేదు. కానీ దేవుడి మీద నమ్మకం ఉంది. నా పట్ల అసభ్యకరంగా ప్రవర్తించిన ప్రతీ ఒక్కరినీ శిక్షించడానికి నేను సిద్ధంగా ఉన్నాను. నేను మాట్లాడేది సాజిద్ ఖాన్ గురించే.! ప్రస్తుతం బిగ్ బాస్ హౌస్ లో ఉన్న ఆ వ్యక్తి గురించే..! నేను ప్రత్యేకించి సల్మాన్ ఖాన్ ని ఒక ప్రశ్న అడగాలనుకుంటున్నాను. సల్మాన్ జి, క్యారెక్టర్ లేని సాజిద్ లాంటి వ్యక్తులను బిగ్ బాస్ హౌస్ లో కంటిస్టెంట్ గా ఎలా తీసుకున్నారు” అంటూ ఆమె ఆవేదన వ్యక్తం చేసింది.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
