వివాదాల బ్యూటీ చంద్రముఖిగా కనిపిస్తుందా..?

2005 వ సంవత్సరం ఏప్రిల్ 14న రిలీజ్ అయిన ‘చంద్రముఖి’ సినిమా ఎంత సూపర్ హిట్ అయ్యిందో ప్రత్యేకంగా చెప్పనవసరం లేదు. రజినీకాంత్ హీరోగా నటించిన ఈ మూవీ నయనతార హీరోయిన్ గా నటించగా.. ముఖ్య పాత్రలో జ్యోతిక, కీలక పాత్రలో ప్రభు నటించారు. పి.వాసు ఈ చిత్రానికి దర్శకత్వం వహించారు. చంద్రముఖి పాత్రలో జ్యోతిక కెరీర్ బెస్ట్ పెర్ఫార్మన్స్ ఇచ్చింది. ఇదిలా ఉండగా.. ‘చంద్రముఖి’ కి సీక్వెల్ అంటూ తెలుగులో ‘నాగవల్లి’ వచ్చింది.

తర్వాత అది సీక్వెల్ కాదు కన్నడ సినిమా ‘ఆప్త రక్షక’ కి రీమేక్ అన్నారు. అయితే ‘చంద్రముఖి’ కూడా ‘ఆప్త మిత్ర’ కి రీమేక్ అన్న సంగతి తెలిసిందే. అయితే ఇప్పుడు మాత్రం ‘చంద్రముఖి’ కి సీక్వెల్ అంటూ ‘చంద్రముఖి 2’ చిత్రాన్ని తెరకెక్కిస్తున్నాడు దర్శకుడు పి.వాసు. ఈ మూవీలో లారెన్స్ హీరోగా నటిస్తున్నాడు. అయితే సినిమాకి ‘చంద్రముఖి’ పాత్ర ఎంతో కీలకం. ఆ పాత్రలో ఇప్పుడు జ్యోతిక నటించడానికి సిద్ధంగా లేరు అని ప్రచారం జరిగింది.

అలాంటప్పుడు ‘చంద్రముఖి 2’ లో చంద్రముఖి గా ఎవరు కనిపిస్తారు అనే ఆసక్తి అందరిలోనూ కలిగింది. అయితే ఇటీవల కంగనా… తన ఇన్స్టాగ్రామ్లో పి.వాసు దర్శకత్వంలో తెరకెక్కిస్తున్న సినిమాలో నటిస్తున్నట్లు తెలిపింది.కానీ ఏ పాత్రలో నటిస్తుంది.. అది ఏ సినిమా అనే విషయం పై క్లారిటీ ఇవ్వలేదు. దీంతో చంద్రముఖి పాత్రలో కంగనా కనిపించబోతుంది అని అంతా ఫిక్స్ అయిపోయారు.

వచ్చే నెల నుండి కంగనా ‘చంద్రముఖి 2’ షూటింగ్లో పాల్గొనబోతున్నట్టు వార్తలు వినిపిస్తున్నాయి. కంగనా కనుక ఈ మూవీలో ఆ పాత్రని పోషిస్తే హిందీలో కూడా పెద్ద ఎత్తున ఈ మూవీని రిలీజ్ చేసుకునే అవకాశం ఉంటుంది. ‘లైకా ప్రొడక్షన్స్’ బ్యానర్ పై సుబాస్కరన్ ఈ చిత్రాన్ని నిర్మిస్తున్నారు.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..