సినిమాలో చిన్న పాత్రలు చేసి.. పెద్దగా గుర్తింపు రాక.. టీవీల్లోకి వచ్చి స్టార్ యాంకర్ అయిపోయింది అనసూయ. అందం, అభినయం, సౌందర్య ప్రదర్శన… ఇలా ఎందులోనూ భేషజాలకు పోకుండా రాణిస్తోంది. ‘జబర్దస్త్’ షోతో టీవీల్లో మెరిసి.. ఆ తర్వాత సినిమాల్లోకి వచ్చి హాట్ బ్యూటీగా నిలిచింది. వయసు పెరుగుతున్న కొద్దీ వన్నె పెరుగుతుంది అని అనసూయను చూస్తే అర్థమవుతుంది అనేలా మెరిసిపోతోంది. ఇంత పొగడ్తలు ఎందుకనా… ఆమె ఆస్తుల గురించి చెప్పే ముందు ఆ బ్యాగ్రౌండ్ కూడా చెబితే బాగుంటుందని.
టీవీల్లో సుమ టాప్ యాంకర్ అని అందరికీ తెలుసు. ఆమె తర్వాత అంతగా సంపాదిస్తున్న యాంకర్ అనసూయనేట. ఈ విషయం ఎవరూ అధికారికంగా ధృవీకరించకపోయినా, ఇదే నిజం అంటున్నాయి తెలుగు టీవీ వర్గాలు. అన్ని ఛానళ్లలో వరుస షోస్ చేస్తూ వస్తున్న అనసూయ బాగానే వెనకేసుకుంటోందట. దాంతోపాటు సినిమాల్లో కూడా చేస్తూ బాగానే సంపాదిస్తోందట. సంపాదిస్తే సంపాదించని ఆమె కష్టం అంటారా. ఆమె సంపాదన ఎంతనేది మనం తెలుసుకోవడంతో తప్పేం లేదు కదా.
అనసూయకు హైదరాబాద్లో రూ. ఎనిమిది కోట్లు విలువ చేసే ఒక ఇల్లు ఉందట. దాంతోపాటు దాదాపు మూడు కోట్ల రూపాయలు విలువ చేసే రెండు కార్లు కూడా ఉన్నాయి. ఇవి కాకుండా మరిన్ని ఆస్తులు కూడా ఉన్నాయని సమాచారం. ఆమె ఏటా 2.5 నుండి 3.5 కోట్ల వరకు సంపాదిస్తోందట. అనసూయ ప్రస్తుతం రవితేజ ‘ఖిలాడీ’, కృష్ణవంశీ ‘రంగమార్తాండ’లో కనిపిస్తోంది. వీటితోపాటు తమిళంలో విజయ్సేతుపతితో ఓ సినిమాలో నటిస్తోంది. ఇవి కాకుండా సునీల్ హీరోగా తెరకెక్కబోయే సినిమాలో అనసూయ హీరోయిన్ గా నటిస్తోందని ప్రచారం.
Most Recommended Video
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
సౌత్ లో సక్సెస్ అయిన టాక్ షోలు.. ఏ తారలు హోస్ట్ చేసినవంటే..!
వరల్డ్ రికార్డ్ కొట్టి.. టాలీవుడ్ స్థాయిని పెంచిన సెలబ్రిటీల లిస్ట్..!
