సినీ పరిశ్రమలో వరుస విషాదాలు చోటు చేసుకుంటూనే ఉన్నాయి. నటీనటులు, సాంకేతిక నిపుణులు, నిర్మాతలు లేదా వారి కుటుంబ సభ్యులు ఇలా ఎవరొకరు సినీ పరిశ్రమకు చెందిన వ్యక్తులు మరణిస్తూనే ఉన్నారు.గత 3 నెలల్లో చాలా మంది సినీ ప్రముఖులు మరణించారు.ఈ మధ్యనే ప్రభాస్ పెదనాన్న గారు అయిన రెబల్ స్టార్ కృష్ణంరాజు మరణించడంతో ఇండస్ట్రీకి కోలుకోలేని దెబ్బ పడింది. అలాగే రష్మీ జయగోపాల్, క‌మెడియ‌న్ రాజు శ్రీవాస్త‌వ్ వంటి నటీనటులు కూడా మరణించిన సంగతి తెలిసిందే.
ఇప్పుడు మరో నటుడు కూడా మరణించాడు. వివరాల్లోకి వెళితే.. ప్రముఖ బెలూన్‌ ఆర్టిస్ట్, నటుడు అయిన శరవణ ధన్‌పాల్‌ కిడ్నీ సంబంధ అనారోగ్యంతో ఆసుపత్రిలో చికిత్స పొందుతూ మరణించారు. కొద్ది రోజులుగా ఆయన కిడ్నీ సమస్యలతో ఇబ్బంది పడుతున్నారు. అయితే పరిస్థితి విషమించడంతో బుధవారం అర్ధరాత్రి కన్నుమూసినట్టు తెలుస్తుంది. ధన్‌పాల్‌ బెలూన్‌ ఆరిస్ట్‌గా ప్రపంచ వ్యాప్తంగా పాపులర్ అయ్యాడు. ఎన్నో స్టేజ్ షోలు ఇచ్చాడు.
డా.రాజ్‌కుమార్‌, విష్ణువర్థన్‌, అంబరీశ్‌, రజనీకాంత్‌, రణ్‌వీర్‌సింగ్‌ వంటి ప్రముఖులు ఆయన షో చూసి ప్రశంసలు కురిపించిన సందర్భాలు ఎన్నో ఉన్నాయి.ఓ తమిళ సినిమాల్లో కూడా ఆయన నటించడం జరిగింది. ఈటీవీ లో ప్రసారమయ్యే ఓ షోలో కూడా ఆయన పాల్గొన్నారు. ఆర్టిస్ట్ గానే కాకుండా సేవా కార్యక్రమాల్లో కూడా ధన్‌పాల్‌ చురుగ్గా పాల్గొనే వారు. పేద పిల్లలకోసం ‘అగ్ని: ఆర్ట్‌ ఫర్‌ ఆల్‌’ను ఏర్పాటు చేసి వారికి డ్యాన్స్‌, మ్యూజిక్‌, ఆర్ట్‌లో శిక్షణ ఇవ్వటం మొదలుపెట్టారు.
Home