సినీ పరిశ్రమలో మరో విషాదం.. ఆ సీనియర్ కమెడియన్ కన్నుమూత.!

సినీ పరిశ్రమని విషాదాలు వీడటం లేదు. ఇప్పటికే ఎస్.కె.ఎన్ (Sreenivasa Kumar Naidu) తండ్రి , ప్రముఖ సంగీత దర్శకుడు రషీద్ ఖాన్,సీనియర్ హీరో వేణు (Venu Thottempudi)  తండ్రి, అలాగే దర్శకుడు వెట్రి దురై, సింగర్ విజయలక్ష్మి అలియాస్ మల్లికా రాజ్ పుత్,’దంగల్’ నటి అయిన సుహానీ భట్నాగర్, ప్రముఖ రచయిత కమ్ నిర్మాత అయిన వి.మహేశ్, దర్శకుడు చిదుగు రవిగౌడ్‌, ‘మొగలిరేకులు’ ఫేమ్ పవిత్ర నాథ్,దర్శకుడు కమ్ బిగ్ బాస్ కంటెస్టెంట్ అయిన సూర్య కిరణ్(Surya Kiran) , కోలీవుడ్ కమెడియన్ శేషు,డేనియల్ బాలాజీ (Daniel Balaji)  , రచయిత శ్రీరామకృష్ణ వంటి వారు మరణించారు.

ఈ షాక్..ల నుండీ సినీ పరిశ్రమ ఇంకా కోలుకోకుండానే ఇప్పుడు మరో బ్యాడ్ న్యూస్ వినాల్సి వచ్చింది. వివరాల్లోకి వెళితే.. సీనియర్ కమెడియన్ విశ్వేశ్వరరావు అనారోగ్య కారణాలతో మృతిచెందారు కొన్నాళ్లుగా అనారోగ్య సమస్యలతో బాధపడుతున్న ఆయన ఈరోజు చెన్నైలోని సిరుచ్చేరిలో ఉన్న ఆయన నివాసంలో చివరి శ్వాస విడిచారు. ఆయన వయసు 62 సంవత్సరాలు కావడం గమనార్హం.

విశ్వేశ్వరరావు మరణవార్త తెలుసుకున్న కొంతమంది సినీ ప్రముఖులు, అభిమానులు ఆయన భౌతిక కాయాన్ని సందర్శించి నివాళులు అర్పించేందుకు చెన్నైలోని ఆయన ఇంటికి వెళ్లడం జరిగింది. ఇక రేపు అనగా బుధవారం నాడు ఆయన అంత్యక్రియలు నిర్వహిస్తారని తెలుస్తుంది. విశ్వేశ్వర రావు నటుడిగానే కాదు డైరెక్టర్ గా కూడా ఆయన పలు సినిమాలు తెరకెక్కించారు. అంతేకాదు నిర్మాతగా కూడా పలు చిన్న సినిమాలు నిర్మించారు.

బాల డైరెక్ట్ చేసిన పితామగన్(శివపుత్రుడు) సినిమాలో లైలా (Laila) తండ్రి పాత్రలో కనిపించారు విశ్వేశ్వరరావు. ఇందులో విక్రమ్(Vikram) , సూర్య (Suriya) హీరోలుగా నటించిన సంగతి తెలిసిందే. మొత్తంగా ఈయన 350 కి పైగా సినిమాల్లో నటించారు. ఈయన మరణవార్త సినీ పరిశ్రమకి తీరని లోటు అంటూ తమిళ, తెలుగు సినిమా నటీనటులు తమ అభిప్రాయాన్ని వ్యక్తం చేస్తున్నారు.