జానీ మాస్టర్ (Jani Master) వివాదం ప్రస్తుతం సోషల్ మీడియా వేదికగా ఒకింత సంచలనం అవుతున్న సంగతి తెలిసిందే. పోలీసులు జానీ మాస్టర్ ను హైదరాబాద్ కు తీసుకొచ్చారని నగరంలోని రహస్య ప్రదేశంలో విచారిస్తున్నారని సమాచారం అందుతోంది. పోలీసులు విచారణ అనంతరం ఆయనను ఉప్పరపల్లి కోర్టులో హాజరు పరచనున్నారని వైరల్ అవుతున్న వార్తల సారాంశం. అయితే జానీ మాస్టర్ కేసులో ఎన్నో ట్విస్టులు ఉన్నాయని తెలుస్తోంది. మరోవైపు జానీ మాస్టర్ భార్య ఫిర్యాదు చేసిన బాధితురాలు గురించి సంచలన ఆరోపణలు చేయగా ఆ ఆరోపణలు సైతం హాట్ టాపిక్ అవుతున్నాయి.
అయితే టాలీవుడ్ ఇండస్ట్రీకి చెందిన ఒక స్టార్ హీరో జానీ మాస్టర్ వివాదాన్ని పరిష్కరించడానికి తన వంతు కృషి చేశారని అయితే ఆ హీరో ప్రయత్నించినా ఆ హీరో మాట జానీ మాస్టర్ వినలేదని సమాచారం అందుతుండటం గమనార్హం. ఆ స్టార్ హీరో చివరకు ఏం చేయాలో పాలుపోక బాధితురాలికి మూవీ ఆఫర్ల విషయంలో తన వంతు సహాయం చేస్తానని చెప్పారని తెలుస్తోంది.
ఈ విధంగా జానీ మాస్టర్ వివాదం విషయంలో చాలా రోజుల నుంచి చర్చ జరుగుతోందని ఇండస్ట్రీ వర్గాల్లో వినిపిస్తోంది. జానీ మాస్టర్ భార్య మాత్రం తన భర్త తప్పేం లేదని చెప్పడంతో పాటు ఆ అమ్మాయి క్యారెక్టర్ గురించి సైతం ఘాటు కామెంట్లు చేశారు. జానీ మాస్టర్ పోలీసుల విచారణలో ఏం చెబుతారో అనే చర్చ సోషల్ మీడియా వేదికగా జరుగుతోంది.
జానీ మాస్టర్ ఈ కేసు నుంచి బయటపడకపోతే కెరీర్ పరంగా మరిన్ని ఇబ్బందులు తప్పవని అభిప్రాయాలు వ్యక్తమవుతున్నాయి. జానీ మాస్టర్ ఆఫర్లపై ఈ వివాదం ఒకింత ఎక్కువగానే ప్రభావం చూపే అవకాశాలు అయితే ఉన్నాయి. జానీ మాస్టర్ కు కొంతమంది ఇండస్ట్రీ పెద్దల నుంచి సపోర్ట్ లభిస్తోంది.
