మెగాపవర్ స్టార్ రామ్ చరణ్ నటించిన వినయ విధేయ రామ సినిమా 2019 సంవత్సరంలో రిలీజ్ కాగా ఈ ఏడాది రామ్ చరణ్ నటించిన ఆచార్య, ఆర్ఆర్ఆర్ సినిమాలు రిలీజ్ కావాల్సి ఉంది. ఆర్ఆర్ఆర్ రిలీజ్ డేట్ మారే అవకాశం ఉందని ప్రచారం జరుగుతున్నా అధికారిక ప్రకటన వస్తే మాత్రమే నిజానిజాలు తెలుస్తాయి. ఆర్ఆర్ఆర్ షూటింగ్ ఇప్పటికే 80 శాతం పూర్తి కాగా 20 శాతం షూటింగ్ పూర్తి కావాల్సి ఉంది.
ఆర్ఆర్ఆర్ షూటింగ్ పూర్తైన తరువాత శంకర్ చరణ్ కాంబినేషన్ సినిమా షూటింగ్ ప్రారంభం కానుంది. గ్రాఫిక్స్ సినిమాలను ఎక్కువగా తెరకెక్కించే శంకర్ రామ్ చరణ్ సినిమాను మాత్రం రాజకీయ నేపథ్యంలో గ్రాఫిక్స్ లేకుండా తెరకెక్కించనున్నారని వార్తలు రావడంతో వచ్చే ఏడాది ఈ సినిమా రిలీజవుతుందని ఫ్యాన్స్ భావించారు. అయితే ఈ సినిమా 2023లో రిలీజయ్యే అవకాశాలు ఉన్నాయని సమాచారం. బ్యాక్ టు బ్యాక్ సినిమాలపై రామ్ చరణ్ ఆసక్తి చూపడం లేదని ఆ రీజన్ వల్లే కొత్త కథలు వింటున్నా ఏ డైరెక్టర్ కు చరణ్ గ్రీన్ సిగ్నల్ ఇవ్వడం లేదని తెలుస్తోంది.
ఆర్ఆర్ఆర్ తరువాత చరణ్ ను వెండితెరపై చూడాలంటే కనీసం రెండేళ్లు ఎదురుచూపులు తప్పవని సమాచారం. అయితే చరణ్ ఫ్యాన్స్ మాత్రం చరణ్ ఇతర హీరోల్లా వేగంగా సినిమాలలో నటిస్తే బాగుంటుందని అభిప్రాయం వ్యక్తం చేస్తున్నారు. చరణ్ సినిమాల విషయంలో తీసుకుంటున్న నిర్ణయాలు ఫ్యాన్స్ కు భారీ షాక్ ఇస్తుండటం గమనార్హం. భారతీయుడు2 సినిమా వల్ల కూడా శంకర్ చరణ్ సినిమాకు సమస్యలు ఎదురవుతున్న సంగతి తెలిసిందే.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
