Samajavaragamana: సామజవరగమన వంటి బ్లాక్ బస్టర్ ను మిస్ చేసుకున్న హీరో ఎవరంటే?!

శ్రీవిష్ణు హీరోగా రూపొందిన ‘సామజవరగమన’ చిత్రం ఇటీవల రిలీజ్ అయ్యి సూపర్ సక్సెస్ అందుకుంది. ఎటువంటి అంచనాలు లేకుండా జూన్ 29 న రిలీజ్ అయిన ఈ మూవీ మొదటి షోతోనే సూపర్ హిట్ టాక్ ను సొంతం చేసుకుంది. సినిమా పై ఉన్న కాన్ఫిడెన్స్ తో చిత్ర బృందం రిలీజ్ కి మూడు రోజుల నుండి వేసిన ప్రీమియర్స్ కి బ్లాక్ బస్టర్ రిపోర్ట్స్ రావడంతో పెద్దగా ప్రమోషన్ లేకుండానే ఈ మూవీ.. బ్లాక్ బస్టర్ దిశగా దూసుకుపోతుంది.

హీరో శ్రీవిష్ణు కెరీర్ లో కూడా ఇది బిగ్గెస్ట్ బ్లాక్ బస్టర్ అని చెప్పాలి. మంచి హిట్ కోసం ఎదురుచూస్తున్న శ్రీవిష్ణుకి ఈ మూవీ చాలా బాగా ప్లస్ అయ్యిందని చెప్పాలి. ఇదిలా ఉండగా.. ‘సామజవరగమన’ చిత్రానికి శ్రీవిష్ణు ఫస్ట్ ఛాయిస్ కాదట. వేరే హీరో రిజెక్ట్ చేస్తే ఇతని వద్దకి వచ్చిందట. వివరాల్లోకి వెళితే.. ‘సామజవరగమన’ చిత్రానికి దర్శకుడు రామ్ అబ్బరాజు. గతంలో ఇతను వివాహభోజనంబు అనే సినిమాని తీసాడు. దీనికి సందీప్ కిషన్ నిర్మాత.

అలాగే అతను కూడా ఆ సినిమాలో కీలక పాత్ర పోషించాడు. వివాహభోజనంబు ఓటీటీలో రిలీజ్ అయ్యి సందీప్ కిషన్ కి లాభాలను తెచ్చిపెట్టింది. దీంతో ”సామజవరగమన కథని కూడా సందీప్ కిషన్ కె చెప్పాడట దర్శకుడు రామ్ అబ్బరాజు. అయితే సందీప్ కిషన్ ‘మైఖేల్’ అనే యాక్షన్ మూవీతో బిజీగా ఉండటంతో ఈ స్క్రిప్ట్ ను అనిల్ సుంకర వద్దకి పంపాడట. అనిల్ సుంకర నిర్మాణంలో ‘ఊరు పేరు భైరవ కోన’ అనే సినిమా సందీప్ కిషన్ చేయడానికి అంగీకరించాడు.

అందుకే ‘సామజవరగమన’ (Samajavaragamana) స్క్రిప్ట్ ను అనిల్ సుంకర వద్దకి సందీప్ పంపినట్టు తెలుస్తుంది. ఈ విషయాన్ని కూడా అనిల్ సుంకర ఓ ఇంటర్వ్యూలో చెప్పుకొచ్చాడు. వాస్తవానికి సందీప్ కి ఓ మంచి అలవాటు ఉంది. అది గొప్ప అలవాటు అని కూడా చెప్పొచ్చు. టాలెంట్ ఎక్కడున్నా ఇతను కనిపెట్టగలడు. హను రాఘవపూడి, లోకేష్ కనగరాజ్ వంటి వారికి అవకాశాలు వచ్చేలా చేసింది సందీపే. ఇప్పుడు రామ్ అబ్బరాజు కూడా మోస్ట్ వాంటెడ్ డైరెక్టర్ అయిపోయాడు.

స్పై సినిమా రివ్యూ & రేటింగ్!

సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!