సూపర్ హీరోలు అంటే సినిమాల్లో చూపించే హీ మ్యాన్‌, సూపర్ మ్యాన్‌, బ్యాట్‌ మేన్‌ అని అంటుంటారు. అయినా మన దేశంలో ఇలాంటి వాళ్లు లేరు లెండి. ఇంగ్లిష్‌ జనాలు అయితే వాళ్లనే సూపర్ మ్యాన్లు అంటుంటారు. మన దగ్గర కూడా వాళ్లే సూపర్ హీరోలు అని అనుకున్నాం. అయితే ఆ ఆలోచనను మార్చేసిన వ్యక్తి ‘శక్తిమాన్’. హిందీలో వచ్చిన ఈ టీవీ సీరియల్‌లో ఆ పాత్ర పిల్లలకు భలేగా నచ్చేసింది. ఆ మాటకొస్తే పెద్దోళ్లకు కూడా నచ్చేశాడు.
ఆ పాత్రను హీరోగా చేసి ఓ సినిమా చేయాలని చాలా రోజులుగా బాలీవుడ్‌లో ప్లాన్‌ చేస్తున్నారు. గత కొన్నేళ్లుగా ఈ ప్రయత్నం జరుగుతున్నా… ఇప్పటివరకు కుదర్లేదు. అయితే ఇప్పుడు సూపర్ మ్యాన్‌ శక్తి మాన్‌ను వెండితెర మీదకు తీసుకొచ్చే ప్రయత్నాలు తుదిదశకు చేరుకున్నాయట. బాలీవుడ్ స్టార్‌ హీరో రణ్‌వీర్‌ సింగ్‌ ఈ సినిమాలో హీరోగా నటిస్తాడని సమాచారం. అంతేకాదు ఆ సినిమాకు దర్శకుడిగా సూపర్ హీరోల స్పెషలిస్ట్‌ డైరెక్ట్‌ చేస్తారని టాక్‌.
ఈ మధ్య బాలీవుడ్ హీరోలు దక్షిణాది దర్శకులతో సినిమాలు చేయడానికి ఆసక్తి చూపిస్తున్నారు. అలాంటి కాంబినేషన్‌లో వచ్చిన చిత్రాలు మంచి విజయం అందుకున్నాయి కూడా. అలా హిందీలో ఒక మలయాళ దర్శకుడితో సినిమా చేయడానికి రణ్‌వీర్‌ సింగ్‌ రెడీ అయ్యాడు అంటున్నారు. ‘మిన్నల్‌ మురళి’ సినిమా గుర్తుందా ఆ సినమా దర్శకుడు బాసిల్‌ జోసెఫ్‌ ఇప్పుడు ‘శక్తి మాన్‌’ తెరకెక్కిస్తారని అంటున్నారు. (Shaktimaan) ‘శక్తిమాన్’ సినిమాను సోనీ పిక్చర్స్, సాజిద్ నడియాడ్‌వాలా నిర్మిస్తారట.
మెరుపు తగిలి ఒక మామూలు మనిషి సూపర్ హీరో అయ్యే కాన్సెప్ట్‌తో ‘మిన్నల్‌ మురళి’ తీశారు బాసిల్‌ జోసెఫ్‌. అయితే త్వరలో ‘డాన్‌ 3’ సినిమా షూటింగ్‌ మొదలవుతుంది. ఆ సినిమా పనులు పూర్తయ్యాకనే ‘శక్తి మాన్‌’ పనులు షురూ అవుతాయట. పాన్‌ ఇండియా లెవల్‌లో తెరకెక్కున్న ఈ సినిమాను సిరీస్ తరహాలో రూపొందిస్తారంటున్నారు. అయితే పాత టీవీ సీరియల్‌ స్టఫ్‌ ఇప్పుడెలా కనెక్ట్‌ అవుతుందో చూడాలి.
ఊరిపేరు భైరవ కోన సినిమా రివ్యూ & రేటింగ్!
‘దయా గాడి దండయాత్ర’ కి 9 ఏళ్ళు!
ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!
