Balakrishna: బాలకృష్ణ అన్‌స్టాపబుల్ లో పాన్ ఇండియా స్టార్స్

నందమూరి బాలకృష్ణ ప్రస్తుతం హీరోగానే కాకుండా రియాలిటీ షోలకు వ్యాఖ్యాతగా కూడా వ్యవహరించేందుకు సిద్ధమవుతున్నారు. ఓటీటీ కంపెనీ ఆహాలో ఆయన మొదటిసారి చేస్తున్న టాక్ షో పై అంచనాలు ఒక్కసారిగా పెరిగిపోయాయి. నవంబర్ 4 నుంచి సందడి చేయబోతున్న బాలకృష్ణ అన్‌స్టాపబుల్ ఎలా ఉంటుందో అని అభిమానులు ఎంతో ఆతృతగా ఎదురుచూస్తున్నారు. ఇప్పటికే కొన్ని ఎపిసోడ్స్ ను కూడా షూట్ చేశారు. పవర్ ఫుల్ డైలాగ్స్ తో వెండి తెరపై విజిల్స్ వేయించే బాలయ్య ఎదురుగా ఉన్న సెలబ్రిటీలతో ఎలా మాట్లాడతారు అనే విషయం కూడా ఆసక్తిని కలిగిస్తోంది.

ఇక ఈ షోలో ముఖ్య అతిథులుగా పాల్గొనబోయే సెలబ్రిటీలు ఎవరు అనేది కూడా చర్చనీయాంశంగా మారింది. ఇప్పటికే కొంతమంది సీనియర్ నటుల పేర్లు అగ్ర హీరోల పేర్లు కూడా వైరల్ అవుతున్నాయి. మెగాస్టార్ చిరంజీవి, మంచు మోహన్ బాబు, నాగార్జున వంటి స్టార్ హీరోల పేర్లు కూడా బాగానే వైరల్ అవుతున్నాయి.అలాగే నేటి తరం స్టార్ హీరోలు కూడా బాలయ్య షో కోసం రాబోతున్నట్లు కథనాలు వెలువడుతున్నాయి. అన్‌స్టాపబుల్ లో పాన్ ఇండియా స్టార్ ప్రభాస్ కూడా వచ్చే అవకాశం ఉన్నట్లు తెలుస్తోంది.

అంతేకాకుండా జూనియర్ ఎన్టీఆర్ కూడా బాబాయ్ తో కలిసి సందడి చేయనున్నట్లు టాక్ గట్టిగానే వస్తోంది. మరి ఇది ఎంతవరకు నిజమో తెలియాలంటే అఫీషియల్ గా క్లారిటీ వచ్చే వరకు ఎదురు చూడాల్సిందే.

వరుడు కావలెను సినిమా రివ్యూ & రేటింగ్!

Most Recommended Video

రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!