‘అందాల రాక్షసి’ చిత్రంతో టాలీవుడ్ కు డైరెక్టర్ గా పరిచయమయ్యాడు హను రాఘవపూడి. ఈ చిత్రం ప్లాప్ గా నిలిచింది. అయితే ఈ చిత్రం కొత్తదనం కోరుకునే ప్రతీ ప్రేక్షకుడిని ఆకట్టుకుంది. అంతేకాదు ఈ చిత్రం చూసిన ప్రతీ ఒక్కరూ హను టాలెంటెడ్ డైరెక్టర్ అని ప్రశంసలు కురిపించారు. దీంతో నేచురల్ స్టార్ నాని ఛాన్స్ ఇచ్చాడు. హను – నాని కాంబినేషన్లో వచ్చిన ‘కృష్ణ గాడి వీర ప్రేమ గాథ’ చిత్రంతో మంచి విజయాన్ని సొంతం చేసుకున్నాడు. దీంతో అదే నిర్మాతలు ‘లై’ వంటి భారీ బడ్జెట్ చిత్రాన్ని రూపొందించారు.
హను కూడా మంచి అటెంప్ట్ చేసాడు. కానీ సినిమా మాత్రం డిజాస్టర్ గా మిగిలింది. ఎలాగు ట్యాలెంటెడ్ డైరెక్టర్ కథా అని మినిమం గ్యారంటీ హీరో అయిన శర్వానంద్ ఛాన్స్ ఇచ్చాడు. హను, శర్వా కాంబినేషన్లో వచ్చిన ‘పడి పడి లేచె మనసు’ చిత్రం ఇంకా పెద్ద డిజాస్టర్ అయ్యింది. దీంతో ఇప్పుడు ఈ డైరెక్టర్ తో సినిమా చేయడానికి హీరోలు మొహం చాటేస్తున్నారట. ప్రస్తుతం హను 1970 ఆర్మీ బ్యాక్ డ్రాప్ లో ఓ కథను సిద్ధం చేసుకుంటున్నాడట. దీనికి సంబందించిన లైన్ చెబుదామని కొందరు హీరోల దగ్గరకు వెళ్తే… సమయం లేదని చెప్పి పంపించేస్తున్నారట. ఏదేమైనా బ్యాక్ టు బ్యాక్ డిజాస్టర్లు వస్తే ఎంత టాలెంటెడ్ డైరెక్టర్ ను అయినా పక్కన పెట్టేస్తారని హను ని చూస్తే అర్ధంచేసుకోవచ్చు.
