నలుగురు హీరోయిన్లు ఒకే హోటల్ లో..

ఆడదానికి ఆడదే శత్రువు అనే సామెతను ప్రూవ్ చేస్తూ మన సౌత్ హీరోయిన్స్ ఎప్పుడూ ఒక స్టేజ్ ను సరిగా షేర్ చేసుకోవడం లేదా ఒక సినిమాలో కలిసి నటించినా ఒకరి గురించి ఒకరు మంచి మాటలు చెప్పుకోవడం అనేది చూసి ఎరుగం. అలాంటిది ఒక సినిమా కోసం ఏకంగా నలుగురు హీరోయిన్స్ కలిసి ఒకే హోటల్ లో నివసించడంతోపాటు.. ఒకేసారి స్క్రీన్ షేర్ చేసుకోనున్నారు. ఈ వింత బాలీవుడ్ సూపర్ హిట్ చిత్రం “క్వీన్” తెలుగు-తమిళ-కన్నడ-మలయాళ రీమేక్స్ కోసం జరుగుతోంది. తెలుగు వెర్షన్ రీమేక్ లో తమన్నా, తమిళంలో కాజల్, మలయాళంలో మంజీమా మోహన్, కన్నడలో పరుల్ యాదవ్ లు టైటిల్ పాత్రధారులుగా తెరకెక్కుతున్న “క్వీన్” షూటింగ్ ప్రస్తుతం ఫ్రాన్స్ లో జరుగుతోంది. కొన్ని కీలకమైన సన్నివేశాలను అక్కడ షూట్ చేస్తున్నారు.

కథాంశం ఒకటే కావడంతో ఒకే లొకేషన్ లో ఒకరి తర్వాత మరొకరు షూట్ చేస్తారు. నలుగురు హీరోయిన్లు దాదాపుగా ఒకటే విధమైన సన్నివేశం కోసం రిహార్సల్ చేసుకుంటూ ఒకే చోట తిరుగుతుంటే.. దాదాపుగా నలుగురు దేవకన్యలు ఒకేచోట తచ్చాడుతున్నట్లు అనిపించకమానదు. ఇకపోతే.. ఈ చిత్రంలో మరో ముఖ్య పాత్రలో అమీ జాక్సన్ నటించాల్సి ఉండగా.. ఆమె ఆఖరి నిమిషంలో ప్రోజెక్ట్ నుంచి ఎగ్జిట్ అవ్వడంతో ఆమె స్థానంలో మరో నటిని రీప్లేస్ చేయడం కోసం చిత్రబృందం అన్వేషిస్తోంది.