విజయ్ దేవరకొండ ఈ ఏడాది ‘వరల్డ్ ఫేమస్ లవర్’ చిత్రంతో ప్రేక్షకుల ముందుకు వచ్చాడు. ఈ చిత్రం ఆశించిన స్థాయిలో విజయం సాధించలేదు. పైగా ‘ ‘అర్జున్ రెడ్డి’ ఫీవర్ నుండీ విజయ్ ఇంకా బయటకు రావడం లేదు’ అంటూ విమర్శలు కూడా గుప్పించారు ప్రేక్షకులు. ఈ సినిమా ప్రమోషన్లలో భాగంగా.. ‘ఇక నుండీ లవ్ స్టోరీలు చెయ్యను’ అని చెప్పాడు ఈ రౌడీ హీరో..! బహుశా ఈ సినిమా రిజల్ట్ ను అలాగే ఆడియెన్స్ రిసీవ్ చేసుకునే విధానాన్ని అతను ముందే ఊహించి ఉండచ్చు.
ఏమైతేనేం ఈ చిత్రం తరువాత పూరి జగన్నాథ్ డైరెక్షన్లో ‘ఫైటర్'(వర్కింగ్ టైటిల్) అనే చిత్రాన్ని చెయ్యడానికి అతను గ్రీన్ సిగ్నల్ ఇచ్చాడు. ‘ఇస్మార్ట్ శంకర్’ వంటి బ్లాక్ బస్టర్ తరువాత పూరి జగన్నాథ్ తెరకెక్కిస్తున్న చిత్రం కావడంతో… ఈ సినిమా పై మంచి అంచనాలే ఉన్నాయి. బాలీవుడ్ స్టార్ ప్రొడ్యూసర్ కరణ్ జోహార్ తో కలిసి ఈ చిత్రాన్ని పాన్ ఇండియా స్థాయిలో నిర్మిస్తున్నారు పూరి, ఛార్మీ. లాక్ డౌన్ టైంలో షూటింగ్ ఆగిపోయిన సినిమాల్లో ఇది కూడా ఒకటి.
అయితే ఈ మధ్యనే కేంద్ర ప్రభుత్వం షూటింగ్లకు అనుమతులు ఇవ్వడంతో.. అన్ని సినిమాల షూటింగ్లు మొదలయ్యాయి. కానీ ‘ఫైటర్’ సినిమా షూటింగ్ ప్రారంభమైనట్టు ఎటువంటి చప్పుడు లేదు. సినిమాని ఫాస్ట్ గా తెరకెక్కించడంలో పూరి ముందుంటాడు. ఇక విజయ్ కూడా ఏడాదికి రెండు సినిమాలు విడుదల చేస్తుంటాడు. ‘అలాంటి వీరిద్దరూ ఎందుకు సైలెంట్ గా ఉన్నట్టు’ అనే డిస్కషన్లు ఇప్పుడు సోషల్ మీడియాలో మొదలయ్యాయి.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
