యంగ్ టైగర్ ఎన్టీఆర్, దర్శకధీరుడు ఎస్.ఎస్. రాజమౌళి కలిస్తే ఆ సినిమా సూపర్ హిట్టే. వీరి కాంబినేషన్లో వచ్చిన స్టూడెంట్ నంబర్ 1, సింహాద్రి, యమదొంగ రికార్డులను సృష్టించింది. మళ్లీ వీరి కలయికలో సినిమా ఎప్పుడు వస్తుందా? అని అభిమానులు ఎప్పటినుంచో ఎదురుచూస్తున్నారు. ఈ తరుణం రానే వచ్చింది. బాహుబలి కంక్లూజన్ తర్వాత జక్కన్న తారక్ తో మూవీ చేయడానికి అంతా సిద్ధమైందని సమాచారం.
రాజమౌళి తండ్రి విజయేంద్ర ప్రసాద్ ఓ గొప్ప జానపద కథను రాయడం పూర్తి చేశారని, బాహుబలి 2 రిలీజ్ అయిన వెంటనే పూర్తిగా ఈ స్క్రిప్ట్ పనుల్లో దర్శకధీరుడు నిమగ్నం కానున్నట్లు టాలీవుడ్ వర్గాలు చెబుతున్నాయి. ఈ చిత్రం కోసం తారక్ రెండేళ్ల పాటు డేట్స్ కేటాయించనున్నట్లు వెల్లడించాయి. అయితే రాజమౌళి తో మూవీ మొదలయ్యే లోపున మరో చిత్రం చెయ్యాలా? వద్దా? అనే ఆలోచనలో ఎన్టీఆర్ ఉన్నట్లు ఆయన సన్నిహితులు చెప్పారు.
Also, do SUBSCRIBE to our YouTube channel to get latest Tollywood updates.
