విశ్వక్ సేన్ తాజాగా నటించి డైరెక్ట్ చేసిన ‘ఫలక్ నుమా దాస్’ చిత్రం ఇటీవల విడుదలై డీసెంట్ టాక్ ను సొంతం చేసుకుంది. అయితే ఈ చిత్రం బాలేదంటూ కొందరు నెగెటివ్ కామెంట్స్ చేస్తున్నారంటూ.. ఈ హీరోమండిపడ్డ సంగతి తెలిసింది. “ఫలక్ నుమా దాస్” సినిమా బాగాలేదు అన్నవారి పై ఈ హీరో బూతులు తిట్టిన తీరుకి విమర్శల పాలయ్యాడు. ఇదిలా ఉండగా ఇప్పుడు ఉస్మానియా విద్యార్థులు విశ్వక్ సేన్ కు గట్టిషాక్ ఇచ్చారు.
‘ఫలక్ నుమా దాస్’ చిత్రంలోని కొన్ని సన్నివేశాలపై ఆ విద్యార్థులు తీవ్ర అభ్యన్తరం తెలుపుతున్నారు. ఈ చిత్రంలో ఉస్మానియా వర్శిటి విద్యార్ధులను హీరో విశ్వక్ సేన్ అవమానించాడంటూ ఆ హీరో కార్యాలయాన్ని ముట్టడించారు ఉస్మానియా విద్యార్ధులు.. ఈ చిత్రానికి విశ్వక్ దర్శకుడిగా వ్యహరించడంతో పాటు హీరోగానూ నటించాడు.. అంతేకాకుండా కొన్ని బూతు డైలాగ్స్ పెట్టి విద్యార్ధులు పరువు తీశాడంటూ వారు ధర్నాకు దిగడం సంచలనంగా మారింది. వెంటనే ఈ చిత్రంలో ఆ బూతు డైలాగ్స్ తో సహా ఉస్మానియా పేరును తొలగించాలని వారు డిమాండ్ చేస్తున్నారు. మరి ఈ విషయం పై హీరో విశ్వక్ సేన్ ఎలా స్పందిస్తాడో చుడాలి…!
