కోలీవుడ్ స్టార్ డైరెక్టర్ తో అల్లు అర్జున్ సినిమా..?

February 2, 2019 / 08:18 AM ISTByFilmy Focus

Join Us

కోలీవుడ్ స్టార్ డైరెక్టర్ తో అల్లు అర్జున్ సినిమా..?

అల్లు అర్జున్ ప్రస్తుతం త్రివిక్రమ్ డైరెక్షన్లో ఓ చిత్రం చేయబోతున్నాడు. ‘గీతా ఆర్ట్స్’ ‘హారిక అండ్ హాసిని’ క్రియేషన్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి. అల్లు అర్జున్ గత చిత్రాలు ‘దువ్వాడ జగన్నాధం – డీజె’ ‘నా పేరు సూర్య నా ఇల్లు ఇండియా’ నిరాశ పరచడంతో ప్రస్తుతం చేయబోయే చిత్రాలకి చాలా జాగ్రత్తలు తీసుకుంటున్నాడు. త్రివిక్రమ్‌ డైరెక్షన్లో చేయబోయే చిత్రానికి దాదాపు 6 నెలలు టైం తీసుకున్నాడు. మధ్యలో చాలా కథలు విని ఈ చిత్రాన్ని ఓకే చేసాడు. ఈ చిత్రం రెగ్యులర్ షూటింగ్ మార్చిలో మొదలు కాబోతుంది. అయితే ఈ చిత్రంతో పాటు బన్నీ మరో రెండు చిత్రాలను లైన్లో పెట్టాడట.

ప్రభాస్ తో ‘సాహూ’ చిత్రాన్ని తెరకెక్కిస్తున్న సుజీత్ డైరెక్షన్లో ఓ చిత్రం కాగా.. తమిళ స్టార్ డైరెక్టర్‌ మురుగదాస్‌ డైరెక్షన్లో మరో చిత్రం చేయడానికి బన్నీ… సిద్దమవుతున్నట్టు తెలుస్తుంది. ఈ చిత్రాన్ని కూడా ‘గీతా ఆర్ట్స్‌’ బ్యానర్‌లోనే నిర్మించడానికి సన్నాహాలు చేస్తున్నారట. 2019 చివర్లో ఈ చిత్రాన్ని ప్రారంభించడానికి ప్లాన్ చేస్తున్నారని సమాచారం. అయితే మురుగదాస్ ప్రస్తుతం సూపర్ స్టార్ రజనీకాంత్ తో ఓ చిత్రం చేయబోతున్నాడు. దాని తరువాత మళ్ళీ ఇళయదళపతి విజయ్ తో ఓ చిత్రం చేయాల్సి ఉంది. మరి ఈ వార్తలో నిజమెంతో తెలియాల్సి ఉంది.