టాలీవుడ్ యంగ్ హీరో సుధీర్ బాబు, ప్రేమిస్తే భరత్, సీనియర్ హీరో శ్రీకాంత్ ముగ్గురు కలిసి నటిస్తున్న చిత్రం హంట్. సినిమా గణతంత్ర దినోత్సవం సందర్భంగా జనవరి 26వ తేదీ విడుదల కానుంది. ఈ క్రమంలోనే ఈ సినిమా ప్రీ రిలీజ్ వేడుకను హైదరాబాద్ ఏఎంబి మాల్లో నిర్వహించారు. ఈ కార్యక్రమంలో భాగంగా సుదీర్ మాట్లాడుతూ కృష్ణ గారి గురించి ఎమోషనల్ కామెంట్స్ చేశారు.ఈ సందర్భంగా సుధీర్ బాబు మాట్లాడుతూ… గత ఏడాది మా కుటుంబంలో వరుసగా మూడు మరణాలు జరిగాయి.
కృష్ణ గారి మరణం మాకు చాలా పెద్ద లోటు. మావయ్య చనిపోయిన తర్వాత నేను నటించిన మొదటి సినిమా హంట్. నేను చేసిన ఏ సినిమా విడుదలైన మొదటి రోజే మామయ్య గారు చూసి ఆ సినిమా గురించి తన అభిప్రాయాన్ని తెలియజేసేవారు. ఇప్పుడు నేను అది మిస్ అవుతున్నాను అంటూ ఎమోషనల్ అయ్యారు. మామయ్య చనిపోవడానికి 20 రోజుల ముందు ఏదైనా సినిమా చూస్తారా అని ఆయనని అడగగా నేను కేవలం మహేష్ బాబు సుదీర్ బాబు సినిమాలు మాత్రమే చూస్తానని చెప్పారు.
కృష్ణ గారు అలా చెప్పడం నాకు చాలా గర్వంగా ఉంది. నా సినీ కెరియర్ లో ఎంత దూరం వెళ్తానో తెలియదు కానీ, ఈ ప్రయాణం మామయ్య గారికి అంకితం.. కృష్ణ గారికి జన్మ జన్మలు రుణపడి ఉంటా అంటూ సుధీర్ బాబు ఎమోషనల్ అయ్యారు. ఇలా ఈ కార్యక్రమంలో భాగంగా సుధీర్ బాబు చేసినటువంటి కామెంట్స్ వైరల్ అవుతున్నాయి.
పోలీస్ డ్రామా నేపథ్యంలో తెరకెక్కిన ఈ సినిమాకు మహేష్ సూరపనేని దర్శకత్వం వహించగా భవ్య క్రియేషన్స్ పతాకంపై నిర్మాత వి ఆనంద్ ప్రసాద్ ఈ చిత్రాన్ని ఎంతో ప్రతిష్టాత్మకంగా నిర్మించారు. ఈ సినిమా జనవరి 26న విడుదల కానుంది.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
