ఫలితాలతో సంబంధం లేకుండా.. వరుసగా సినిమాలు ఛాన్స్‌లు సంపాదిస్తూ, రిలీజ్‌లు చేస్తున్న హీరోల్లో సుధీర్‌బాబు ఒకరు. ఇటీవల నైట్రోస్టార్‌ అంటూ బిరుదు సంపాదించుకున్న (?) సుధీర్‌బాబు కొత్త సినిమాను ఇటీవల అనౌన్స్‌ చేశారు. జ్ఞానసాగర్‌ ద్వారక తెరకెక్కించనున్న ఈ సినిమాను సుమంత్‌ జి.నాయుడు నిర్మిస్తారు. ఈ సందర్భంగా సినిమా నేపథ్యాన్ని తెలియజేసే ఓ పోస్టర్‌ను సుధీర్ బాబు సోషల్ మీడియాలో పోస్ట్‌ చేశాడు. పిలిసినంక రాకుంటే ఎట్ల సెప్పండి. అందికే వస్తా ఉండా…
అంటూ సోషల్ మీడియాలో పోస్ట్‌ రాసుకొచ్చారు సుధీర్‌బాబు. ఇన్‌ లాండ్‌ లెటర్‌పై హీరో పాత్ర పేరుతో పాటు.. అతని రాక కోసం సౌత్‌ బాంబేకు చెందిన అరుణ్‌ గౌలి అనే వ్యక్తి ఎదురు చూస్తున్నట్లుగా ఆ పోస్టర్‌ను రూపొందించారు. 1989ల నాటి కుప్పం నేపథ్యంలో సాగే కథ ఇదట. ఈ సినిమాలో శివారెడ్డి తనయుడు సుబ్రమణ్యంగా సుధీర్‌బాబు కనిపిస్తారట. పోస్టర్‌లో లెటర్‌పై దేవాలయం, పాత కాలం నాటి రూ.500 నోటు, మరో పక్క పాత ల్యాండ్‌లైన్‌ ఫోన్‌ ఉన్నాయి.
వాటితోపాటు పాత కాలం నాటి పిస్తోలు కూడా కనిపిస్తోంది. ఇదంతా చూస్తుంటే ఈ సినిమా దైవిక అంశం నేపథ్యంలో యాక్షన్‌ కథాంశంతో రూపొందిస్తున్నట్లు అర్థమవుతోంది. ఈ సినిమాలో సుధీర్ మునుపెన్నడూ చూడని సరికొత్త మాస్‌ లుక్‌లో కనిపిస్తాడట. ఇక ఈ సినిమా అక్టోబరు 31న లాంఛనంగా ప్రారంభిస్తారు. సుధీర్‌బాబు కెరీర్‌ను చూస్తే.. ఇటీవల ‘ఆ అమ్మాయి గురించి మీకు చెప్పాలి’ సినిమాతో ప్రేక్షకుల్ని పలకరించారు.
అయితే ఆయన చెప్పే మాటలు వినడానికి ప్రేక్షకులు ఆసక్తిచూపలేదు. ఇక ఆ తర్వాత ‘హంట్’, ‘మామా మశ్చీంద్ర’ సినిమాలు చేస్తున్నారు. ఈ రెండూ కాకుండా పుల్లెల గోపీచంద్‌ బయోపిక్‌ చేయాల్సి ఉంది. చాలా రోజులుగా పెండింగ్‌లో ఉన్న ఈ సినిమా ఎప్పుడు ప్రారంభమవుతుంది అనేది చూడాలి. ఇప్పుడు ఈ కొత్త సినిమాను ప్రారంభిస్తున్నారు. సుధీర్ పడుతున్న ఈ కష్టానికి తగ్గ ప్రతిఫలం ఎప్పుడొస్తుందో చూడాలి.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
