‘బిగ్బాస్ సీజ‌న్4’ ప్రారంభమయ్యి ఆరు వారాలు పూర్తికావస్తుంది. అయినా ఇంకా టాప్ 5 లో ఎవరుంటారు అనేది అంచనా వెయ్యలేని పరిస్థితి ఏర్పడింది. అభిజీత్ మాత్రం కచ్చితంగా టాప్ 5లో ఉంటాడని ప్రేక్షకులు భావిస్తున్నారు. అతను తప్ప నామినేషన్స్ లోకి వచ్చిన వాళ్ళు.. ‘ఎవరు సేఫ్ అవుతారో.. ఎవరు ఎలిమినేట్ అవుతారో’ చెప్పడం కష్టంగానే ఉంది. దేవి నాగవల్లి స్ట్రాంగ్ కంటెస్టెంట్ అని అంతా అనుకున్నారు. కానీ ఆమె ఎలిమినేట్ అవ్వడంతో అంతా షాకయ్యారు.ఆరోగ్యం బాలేని కారణంగా గంగవ్వ హౌస్ నుండీ బయటకు వచ్చేసింది. వైల్డ్ కార్డు ఎంట్రీ అయిన స్వాతి దీక్షిత్ వారం రోజులకే బయటకి వచ్చేసింది! సరే ఈ విషయాల్ని పక్కన పెట్టేస్తే.. ఇటీవల జోర్దార్ సుజాత కూడా ఎలిమినేట్ అయిన సంగతి తెలిసిందే.
ఈమె టాస్కులు బాగానే ఆడినప్పటికీ.. హౌస్మేట్స్ కు సుజాత నవ్వు ఫేక్ అని అనిపించిందని తెలిపారు. ఇక నాగార్జున వంటి స్టార్ హీరోని పట్టుకుని ‘బిట్టు’ అని పిలవడం.. ఆయన ఫ్యాన్స్ నే కాదు సాధారణ ప్రేక్షకులకు కూడా నచ్చలేదు. ఈమె ఎప్పుడెప్పుడు నామినేషన్స్ లోకి వస్తుందా అని ఎదురుచూస్తున్న ప్రేక్షకులకు గతవారం ఆ అవకాశం దక్కింది. అదే ఈమె ఎలిమినేషన్ కు కారణమయ్యిందని చెప్పొచ్చు. సరే ఈ విషయాన్ని పక్కన పెట్టేస్తే.. ఇటీవల సుజాత ఓ ఇంటర్వ్యూలో పాల్గొని అసలు నాగార్జునను ‘బిట్టు’ అని ఎందుకు పిలవాల్సి వచ్చిందో చెప్పుకొచ్చింది.
ఆమె మాట్లాడుతూ.. “నేను బిగ్బాస్ కు వెళ్ళేటప్పుడు టీమ్‌ సభ్యులు..’మీకు నాగార్జున అంటే ఇష్ట‌మా?’ అని అడిగారు.దానికి నేను ఇష్టమే.. ఆయన చేసిన ‘మ‌నం’ సినిమాలో బిట్టు పాత్ర ఇంకా ఇష్ట‌మ‌ని చెప్పాను.ఈ నేపథ్యంలో.. ‘ఆయన్ని బిట్టు అని పిలవడం నీకు ఇష్ట‌మేనా?’ అని నన్ను ప్రశ్నించారు. దానికి నేను సరే అన్నాను. నేను అలా పిలిచిన‌ప్పుడు కూడా నాగార్జున స‌ర్ చాలా సంతోషప‌డ్డారు. అలా పిలవడం కనుక నాగార్జున‌గారికి లేదా బిగ్బాస్ టీమ్‌కు ఇష్టం లేకపోతే వెంట‌నే నన్ను క‌న్ఫెష‌న్ రూమ్‌కి పిలిచి ‘అలా పిలవ‌ద్ద‌ని చెప్పేవాళ్లు’ కదా? వాళ్లంత‌ట వాళ్లే బిట్టు అని పిల‌వ‌మ‌న్నారు. అందుకే పిలిచాను తప్ప.. కావాలని కాదు. ఒకవేళ ఆయన అభిమానులు అందుకు ఫీలయ్యి ఉంటే .. వాళ్ళకు నా క్షమాపణలు” అంటూ చెప్పుకొచ్చింది సుజాత.
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్బాస్ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
Home