ప్రభాస్ కి టార్గెట్ ఫిక్స్ చేసిన సుజీత్

ఆరడుగుల ఆజానుబాహుడు యంగ్ రెబల్ స్టార్ ప్రభాస్. అమ్మాయిల గుండెల్లో గుబులు పుట్టించే కటవుట్ అతనిది. మిర్చి వరకు చాలా స్టైల్ గా బాడీని మెయింటైన్ చేశారు. ఆ తర్వాత బాహుబలి చిత్రం కోసం బరువు పెరిగారు. కసరత్తు చేశారు. కండలు పెంచారు. ఆ కథ కోసం ముప్పై కిలోల బరువు పెరిగారు. సినిమా షూటింగ్ కి గుమ్మడి కాయ కొట్టేవరకు బాడీ వెయిట్ ని 150 కిలోలు తగ్గకుండా, పెరగకుండా చూసుకున్నారు. ఇప్పుడు బరువు తగ్గాల్సిన సమయం వచ్చింది. బాహుబలి తరవాత సుజీత్ దర్శకత్వంలో చేయనున్న యాక్షన్ థ్రిల్లర్ మూవీ కోసం డార్లింగ్ స్లిమ్ అవ్వాలి. ఈ విషయం డైరక్టర్ హీరోకి ఎప్పుడో చెప్పారు. అందుకోసం రెండు నెలలు టైం కూడా కేటాయించారు ప్రభాస్.

డిసెంబర్ మొదటివారంలో బాహుబలి షూటింగ్ పూర్తి అయితే ఫిబ్రవరి నాటికి బరువు తగ్గవచ్చని అనుకున్నారు. కానీ బాహుబలి పూర్తి అయ్యేసరికి జనవరి అయింది. దీంతో ప్రభాస్ కి పాతికరోజులే మిగిలాయి. ఫిబ్రవరి నుంచి కొత్త సినిమా సెట్స్ మీదకు వెళ్ళాలి.  అందుకే ఎలాగైనా తక్కువ రోజుల్లో 20 కిలోలు తగ్గాలని ప్రభాస్ లక్ష్యం పెట్టుకున్నారు. అట్లెట్ ఫిట్ బాడీ కోసం డైట్ మొదలు పెట్టారు. ఆ లక్ష్యాన్ని చేరుకుంటాడో? లేదో? కొన్ని రోజుల్లో తెలియనుంది.

Also, do SUBSCRIBE to our YouTube channel to get latest Tollywood updates.