బాలీవుడ్ స్టార్ హీరోతో దర్శకుడు సుజీత్ మూవీ ఫిక్స్..!

కెరీర్ ప్రారంభంలో పలు షార్ట్ ఫిలిమ్స్ తీసి ప్రేక్షకులను అలరించిన సుజీత్.. ఆ తరువాత దర్శకుడిగా మారి శర్వానంద్ తో ‘రన్ రాజా రన్’ చిత్రాన్ని తెరకెక్కించాడు. ఆ చిత్రం సూపర్ హిట్ అవ్వడంతో ఆ వెంటనే ప్రభాస్ తో ‘సాహో’ వంటి భారీ బడ్జెట్ చిత్రాన్ని తెరకెక్కించే ఛాన్స్ కొట్టేసాడు. అయితే ఆ అవకాశాన్ని ఈ కుర్ర డైరెక్టర్ పూర్తిగా ఉపయోగించుకోలేకపోయాడు. ‘బాహుబలి’ తరువాత ప్రభాస్ నటించే సినిమా పై ఎన్నో అంచనాలు ఉంటాయి.. వాటిని ఇతను బ్యాలన్స్ చెయ్యలేకపోయాడు.

అయినప్పటికీ అది బాలీవుడ్లో హిట్ అయ్యింది. తెలుగులో మెగాస్టార్ తో సినిమా చేసే ఛాన్స్ సుజీత్ కు వరించింది. కానీ అతనికి పెళ్లి కుదరడం వలన ఆ ప్రాజెక్టు నుండీ తప్పుకున్నాడు. తరువాత గోపీచంద్ తో కూడా ఓ సినిమా చెయ్యాలని ప్రయత్నాలు మొదలుపెట్టాడు. అయితే గోపి ముందుగా 3 సినిమాలను ఫినిష్ చెయ్యాల్సి ఉంది. ఈ గ్యాప్లో ఖాళీగా ఉండడం ఎందుకు అనుకున్నాడో ఏమో.. ఏకంగా బాలీవుడ్ స్టార్ హీరో విక్కీ కౌశల్ తో సినిమా చేసే అవకాశాన్ని దక్కించుకున్నాడు.

ఇటీవల విక్కీ కౌశల్ కు సుజీత్ ఓ స్క్రిప్ట్ వినిపించాడట.ఇది పూర్తిగా యాక్షన్ థ్రిల్లర్ గా యాక్షన్ థ్రిల్లర్ అని తెలుస్తుంది.విక్కీకి నచ్చడంతో వెంటనే ఓకే చెప్పేశాడట. ‘జీ స్టూడియో’ వారు ఈ చిత్రాన్ని నిర్మించబోతున్నారని సమాచారం.అన్నీ అనుకున్నట్టు జరిగితే.. 2022లో ఈ చిత్రం విడుదలయ్యే అవకాశాలు ఉన్నట్టు సమాచారం.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!