యంగ్ హీరో నిఖిల్ జయాపజయాలకు అతీతంగా ఇండస్ట్రీలో హీరోగా ఆఫర్లు సొంతం చేసుకుంటున్నారు. ప్రస్తుతం 18 పేజెస్, కార్తికేయ2 సినిమాల్లో నటిస్తున్న నిఖిల్ కరోనా వల్ల ఇబ్బందులు పడుతున్న వాళ్లకు తన వంతు సహాయం చేస్తున్నారు. 18 పేజెస్ సినిమాకు కుమారి 21ఎఫ్ డైరెక్టర్ పల్నాటి సూర్యప్రతాప్ దర్శకత్వం వహిస్తుండగా ఈ సినిమా కథకు సంబంధించి ఒక వార్త ఇండస్ట్రీ వర్గాల్లో వినిపిస్తోంది. ఈ సినిమాకు తరుణ్, స్నేహ ప్రధాన పాత్రల్లో తెరకెక్కిన ప్రియమైన నీకు సినిమాతో పోలికలు ఉన్నాయని తెలుస్తోంది.
సినిమాలో హీరోకు డైరీ దొరుకుతుందని హీరోయిన్ ఆటిట్యూడ్ నచ్చడంతో ఆమెను పట్టుకోవడానికి హీరో ప్రయత్నిస్తారని ఊహించని ట్విస్టులతో కథ సాగుతుందని సమాచారం. రాక్షసుడు సినిమా తరువాత అనుపమ నటిస్తున్న సినిమా ఇదే కావడం గమనార్హం. అయితే ఈ సినిమా కథకు సంబంధించి వైరల్ అవుతున్న వార్తలో నిజానిజాలు తెలియాల్సి ఉంది. ఈ సినిమాకు కథ అందిస్తున్న సుకుమార్ పాత కథకే మెరుగులు దిద్దుతున్నారని వైరల్ అవుతున్న వార్త సారాంశం.
అల్లు అరవింద్, బన్నీవాసు ఈ సినిమాను నిర్మిస్తుండగా ఈ సినిమాపై భారీగా అంచనాలు నెలకొన్నాయి. మరోవైపు సుకుమార్ ప్రత్యక్షంగా, పరోక్షంగా సహకారం అందిస్తున్న సినిమాలు బాక్సాఫీస్ దగ్గర హిట్లుగా నిలుస్తున్నాయి. నిఖిల్, అనుపమ ఈ సినిమాతో ఎలాంటి రిజల్ట్ ను సొంతం చేసుకుంటారో చూడాల్సి ఉంది. నిఖిల్ ఈ సినిమాతో పాటు కార్తికేయ సీక్వెల్ గా తెరకెక్కుతున్న కార్తికేయ2 సినిమాలో నటిస్తున్నారు. కార్తికేయకు దర్శకత్వం వహించిన చందూ మొండేటి కార్తికేయ సీక్వెల్ కు దర్శకత్వం వహిస్తుండటం గమనార్హం.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
