గత సంవత్సరం ‘రంగస్థలం’ చిత్రంతో భారీ హిట్టందుకున్న సుకుమార్… ప్రస్తుతం మహేష్ బాబు తో చిత్రం తెరకెక్కించే పనిలో బిజీగా ఉన్నాడు. ‘మైత్రి మూవీ మేకర్స్’ బ్యానర్ సంస్థ నిర్మించబోతున్న ఈ చిత్రం మే లేదా జూన్ నుండీ మొదలుకాబోతుంది. తాజా సమాచారం ప్రకారం ఓ కొత్త బ్యాక్ డ్రాప్ తో ఈ చిత్రం తెరకెక్కనుందని తెలుస్తుంది. ఆ కొత్త బ్యాక్ డ్రాప్ ఏంటనేగా మీ డౌట్? అది మరేదో కాదండీ… ఎర్ర చందనం స్మగ్లింగ్. తెలుగు రాష్ట్రాల్లో.. ఐదు జిల్లాల్లో ఉన్న అడవుల్లో అరుదైన ఎర్రచందనం… ఎప్పటి నుండో స్మగ్లర్ల పాలవుతోంది. ఈ అక్రమ రవాణా… దాదాపు ముప్పై సంవత్సరుగా జరుగుతూనే ఉన్న సంగతి తెలిసిందే. గిరిజన తెగలకు చెందిన వేల కుటుంబాలు ఈ చెట్లను నరుకుతున్నట్లు పోలీస్ లు చెప్తూనే ఉన్నారు. ఈ ఎర్రచందనం అక్రమ రవాణాకు ఎంతోమంది ప్రత్యక్షంగా, పరోక్షంగా సహకరిస్తున్నారని మనం వింటూనే ఉన్నాం. స్మగ్లర్లు ఎప్పటికప్పుడు కొత్తమార్గాలను అన్వేషిస్తూ.. ముందుపోతున్నారు.
ఈ విషయాలనే ప్రధానంగా తీసుకుంటూ… ఇంట్రస్టింగ్ గా సుకుమార్ స్క్రిప్టు రెడీ చేసుకున్నట్లు తెలుస్తోంది. ఈ చిత్రంలో మహేష్ మరోసారి పోలీస్ ఆఫీసర్ గా కనిపించే అవకాశం ఉందట. సుకుమార్ ఎప్పటిలాగే ఈ చిత్రానికి కూడా దేవి శ్రీ ప్రసాద్ ని సంగీత దర్శకుడిగా ఎంచుకున్నాడట. 2014లో మహేష్ – సుకుమార్ కాంబినేష‌న్‌లో వచ్చిన `వ‌న్‌-నేనొక్క‌డినే` చిత్రం పెద్ద డిజాస్టర్ గా నిలిచింది. అప్పటి నుండీ మహేష్ తో మరో చిత్రాన్ని తెరకెక్కించి ఓ భారీ హిట్ ఇవ్వాలని సుకుమార్ చాలా సార్లు చెబుతూనే వచ్చాడు. దీనికోసం సుకుమార్ ప్రత్యేకంగా థాయిలాండ్ వెళ్ళి స్కోరీ డిస్కషన్స్ జరిపి… హైదరాబాద్ వచ్చిన వెంటనే… మహేష్ కు వినిపించాడట. కథ నచ్చడంతో… మహేష్ వెంటనే గ్రీన్ సిగ్నల్ ఇచ్చినట్లు తెలుస్తుంది. ఇక ఈ చిత్రాన్ని 2019 డిసెంబ‌ర్‌లో లేదా 2020 ప్రారంభంలో సినిమా విడుద‌ల చేయడానికి చిత్ర యూనిట్ ప్లాన్ కలిగి ఉన్నట్లు తెలుస్తుంది. ఈ చిత్రంతో అయినా సుకుమార్ … మహేష్ కి హిట్టిస్తాడేమో చూడాలి మరి..!
