చిరుతో మూవీపై క్లారిటీ ఇచ్చిన సుకుమార్!

సుకుమార్ మెగా హీరోతో డైరక్టర్ గా కెరీర్ ప్రారంభించారు. అల్లు అర్జున్ తో ఆర్య తీసి.. మొదటి సినిమాతోనే మంచి పేరు తెచ్చుకున్నారు. ఇన్నేళ్లకి రామ్ చరణ్ తో సినిమాని తీశారు. లేటైనా కూడా అద్భుతమైన కథతో రంగస్థలాన్ని తెరకెక్కించారు. పాతికేళ్ళనాటి కథ.. హీరోకి చెవుడు.. చరణ్, సమంత కొత్త కాంబినేషన్ వంటి అనేక అంశాలు అభిమానులను ఊరిస్తున్నాయి. ఈ సినిమా చూసి చిరంజీవి సుకుమార్ ని మెచ్చుకొని.. అతని దర్శకత్వంలో నటిస్తానని మాట కూడా ఇచ్చినట్లు వార్త గత రెండురోజులుగా చక్కర్లు కొడుతోంది. సైరా నరసింహ రెడ్డి మూవీ తర్వాత సుకుమార్ దర్శకత్వంలో చిరు మూవీ ఉంటుందని రూమర్ స్ప్రెడ్ అయింది.

దీనిపై సుకుమార్ నేడు స్పందించారు. “చిరంజీవిగారికి నేను పెద్ద అభిమానిని. ఆయన చిత్రాలు చూస్తూ పెరిగాను. ఆయనతో కలిసి పని చేయాలన్నది నా కల. కానీ, తర్వాతి చిత్రం ఆయనతో అనే  వార్త వాస్తవం నిజం కాదు. అలాంటి ప్రతిపాదన కూడా చర్చకు రాలేదు” అని సుకుమార్‌ క్లారిటీ ఇచ్చారు. మరి అల్లు అర్జున్ తో సినిమా చేస్తారా? అనే ప్రశ్నకు మెగా ఫ్యాన్స్ సంతోషించే విషయం చెప్పారు. బన్నీ కోసం ఓ కథ అనుకుంటున్నానని.. ఆ స్క్రిప్ట్ పూర్తి అయిన తర్వాత  అల్లు అర్జున్ కి వినిపిస్తానని వెల్లడించారు. ఓకే అయితే వీరి కాంబోలో మూడో మూవీ రెడీ అవుతుందన్నమాట.