పాన్‌ ఇండియా హీరో గురించి వినుంటారు. పాన్‌ ఇండియా హీరోయిన్‌ గురించి కూడా వినుంటారు. మరి పాన్‌ ఇండియా డైరక్టర్‌ గురించి విన్నారా? ఇప్పుడు వినే టైమ్‌ వచ్చింది. అవును ‘పుష్ప’తో అల్లు అర్జున్‌ పాన్‌ ఇండియా హీరో ఎలా అయ్యాడో, దర్శకుడు సుకుమార్ కూడా పాన్‌ ఇండియా దర్శకుడు అవుతున్నాడు. అంటే ఇకపై తీసే సినిమాలన్నీ పాన్‌ ఇండియావే అవుతాయి అని చెప్పం కానీ… సుకుమార్ గురించి, అతని దర్శకత్వ ప్రతిభ గురించి ఇప్పుడు దేశం మొత్తం చర్చించుకుంటోంది. అంతేకాదు మాతో సినిమా చేయండి అని కూడా అడుగుతోంది.
‘పుష్ప’ సినిమా గురించి మాట్లాడినప్పుడు కచ్చితంగా చర్చల్లోకి వచ్చే పేర్లు అల్లు అర్జున్‌, సుకుమార్. ఆ ఇద్దరి ఆలోచనలు, కష్టమే ఈ సినిమా అని చెప్పొచ్చు. అంత కష్టమైన సినిమా ఎంచుకోవడం, దాన్ని ఒప్పించడం, రూపొందించడం ఎంత కష్టమో… దాన్ని నటించి మెప్పించేలా చేయడమూ అంతే కష్టం. ఈ పని చేసి చూపించారు ఆ ఇద్దరు. అందుకే సినిమాకు తెలుగులోనే కాకుండా ఇతర పరిశ్రమల్లోనూ పేరొస్తుంది. ఆ సినిమా ఫలితం వేరే యాంగిల్‌ ఇప్పుడిప్పుడే వస్తోంది. మొన్నటి వరకు అల్లు అర్జున్‌కు ప్రశంసలు, పేర్లు వచ్చాయి. ఇప్పుడు సుకుమార్ వంతు.
‘పుష్ప’ మేకింగ్‌ను మెచ్చుకుంటూ స్టార్‌ హీరోలు సుకుమార్‌ను మెచ్చుకుంటున్నారు. టాలీవుడ్‌ హీరోలను పక్కనపెడితే బయట వుడ్స్‌ నుండి కూడా సుకుమార్‌కు ప్రశంసలు వస్తున్నాయి. అలా తాజాగా ధనుష్ నుండి సుకుమార్‌కు ప్రశంసలే కాదు… తనతో ఓ సినిమా చేయమని కూడా అడిగారట. ఈ మేరకు సుకుమార్ ఓ కథ లైన్‌ చెప్పారని, త్వరలో దాన్ని ఫుల్‌ ప్లెడ్జ్‌గా రెడీ చేసి మరోసారి వినిపిస్తారని సమాచారం. అన్నీ ఓకే అనుకుంటే సినిమా ముందుకెళ్తుందట. ఇది ఓకే అయితే ధనుష్ స్ట్రయిట్‌ మూడో తెలుగు సినిమా ఇది.
ఇప్పటికే ధనుష్ శేఖర్‌ కమ్ముల సినిమాల, వెంకీ అట్లూరి ‘సర్‌’ చేస్తున్న విషయం తెలిసిందే. ఈ రెండూ ఇటీవల స్టార్ట్‌ అయ్యాయి. ఇక ఈ సంగతి పక్కన పెడితే మొన్నీమధ్య అక్షయ్‌ కుమార్‌ కూడా ఇలానే సుకుమార్‌ను ‘నాతో ఒక సినిమా చేయండి’ అని అడిగారు. సో ఇలా సుకుమార్ పాన్‌ ఇండియా దర్శకుడు అవుతున్నట్లేగా.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
