ఒక్క ప్రోమోతో రూమర్లకు ఫుల్ స్టాప్ పెట్టేసిన సుమ, రాజీవ్ కనకాల..!

September 9, 2020 / 11:47 AM ISTByFilmy Focus

Join Us

ఒక్క ప్రోమోతో రూమర్లకు ఫుల్ స్టాప్ పెట్టేసిన సుమ, రాజీవ్ కనకాల..!

అనర్గళంగా మాట్లాడే చాతుర్యం కలిగిన యాంకర్ గా కోట్లాది మంది అభిమానులను సంపాదించుకుంది యాంకర్ సుమ. ఇప్పటికీ నెంబర్ వన్‌ యాంకర్ గానే రాణిస్తుంది సుమ. ప్రతీ ఒక్కరి ఇంట్లోనూ ఈమె కూడా ఓ మెంబెరే అనేంతలా ప్రేక్షకులు ఈమెను అభిమానిస్తుంటారు. ఇక ఈమె భర్త రాజీవ్ కనకాల కూడా వైవిధ్యమైన పాత్రలను పోషిస్తూ మంచి నటుడుగా గుర్తింపు తెచ్చుకున్నాడు.ఇప్పటికీ అలాగే కొనసాగుతున్నాడు. ఇక రాజీవ్, సుమ దంపతులకు కూడా మంచి ఫ్యాన్ ఫాలోయింగ్ ఉంది.వీరిద్దరి అన్యోన్యతను చూసి వీళ్ళని ఆదర్శ జంటని కూడా అంటుంటారు.

అయితే ఈ ఇద్దరి మధ్య మనస్పర్థలు తలెత్తడంతో విడాకులు తీసుకోబోతున్నారు అంటూ కొంతకాలంగా తెగ ప్రచారం జరిగింది. రాజీవ్ కనకాల ఇంట్లో వరుస విషాదాలు చోటుచేసుకున్నప్పుడు ఆ ఇంటి కోడలిగా తన బాధ్యతను నిర్వర్తించడానికి మాత్రమే కార్యక్రమాలకు హాజరయ్యిందే తప్ప ప్రస్తుతం రాజీవ్ తో సుమ కలిసి ఉండడం లేదని.. విడిగా ఉంటుందని కూడా వార్తలు వచ్చాయి.అయినప్పటికీ ఈ వార్తల పై వీరు స్పందించలేదు. అయితే తాజాగా ఒక్క ప్రోమోతో వాటన్నిటికీ ఫుల్ స్టాప్ పెట్టేసారని చెప్పొచ్చు.

వివరాల్లోకి వెళితే.. సుమ హోస్ట్ చేస్తున్న ‘క్యాష్’ ప్రోగ్రాం కు మరోసారి ఓ పార్టిసిపెంట్ గా విచ్చేశాడు రాజీవ్ కనకాల. ‘సఖి’ సినిమాలోని ఓ రొమాంటిక్ సాంగ్‌ కు సుమతో కలిసి స్టెప్పులు కూడా వేసాడు. అంతేకాదు రోజా ఇచ్చి మరీ సుమకి ప్రపోజ్ చేశాడు. దీన్ని బట్టి చూస్తే వీళ్ళిద్దరూ విడిపోయారు అంటూ వచ్చిన వార్తలు వట్టి పుకార్లేనని.. అందులో ఎటువంటి వాస్తవం లేదని స్పష్టమవుతుంది.