తెలుగు చిత్ర పరిశ్రమలో స్టార్ యాంకర్ గా ఎంతో మంచి గుర్తింపు సంపాదించుకున్నటువంటి సుమ కనకాల కుమారుడు రోషన్ త్వరలోనే హీరోగా ఇండస్ట్రీకి పరిచయం కాబోతున్న సంగతి మనకు తెలిసిందే. రోషన్ హీరోగా బబుల్ గమ్ అనే సినిమా ద్వారా ఇండస్ట్రీకి పరిచయం అవుతున్నారు. ఈ సినిమా డిసెంబర్ 29వ తేదీ విడుదల కాబోతుంది. ఈ సినిమా విడుదల తేదీ దగ్గర పడుతున్నటువంటి నేపథ్యంలో పెద్ద ఎత్తున రోషన్ ప్రమోషన్ కార్యక్రమాలలో పాల్గొంటున్నారు.
ఇప్పటికే పలు కార్యక్రమాలలో సందడి చేస్తున్నటువంటి రోషన్ ఇప్పటికీ వరుస ఇంటర్వ్యూలకు హాజరవుతూ తన సినిమాపై భారీ స్థాయిలో అంచనాలను పెంచుతున్నారు. తాజాగా ఒక ఇంటర్వ్యూలో పాల్గొన్నటువంటి రోషన్ కి తన తండ్రి రాజీవ్ కనకాల అలాగే ఎన్టీఆర్ మధ్య స్నేహబంధం గురించి ప్రశ్నలు ఎదురయ్యాయి. తెలుగు సినీ ఇండస్ట్రీలో జూనియర్ ఎన్టీఆర్ రాజీవ్ కనకాల ఇద్దరు కూడా మంచి స్నేహితులు అనే విషయం మనకు తెలిసిందే. జూనియర్ ఎన్టీఆర్ ఏ సినిమాలో నటిస్తే ఆ సినిమాలో తప్పకుండా రాజీవ్ కనకాల (Rajeev Kanakala) కూడా నటించాల్సిందే అంతలా వీరిద్దరి మధ్య ఫ్రెండ్షిప్ ఉండేది
అయితే ఈ మధ్యకాలంలో ఇద్దరు మధ్య మాటలు తగ్గిపోయాయని, మనస్పర్ధలు కూడా చోటుచేసుకున్నాయి అంటూ వార్తలు వచ్చాయి. అయితే ఈ వార్తలపై ఇదివరకే రాజీవ్ స్పందించి క్లారిటీ ఇచ్చిన ఈ వార్తలు మాత్రం ఆగడం లేదు. ఈ క్రమంలోనే తాజాగా రోషన్ ఈ విషయం గురించి మాట్లాడుతూ నాన్న తారక్ అన్న మధ్య బాండింగ్ స్టూడెంట్ నెంబర్ వన్ సినిమాతో మొదలైందని ఇప్పటికి వారి మధ్య ఉన్నటువంటి స్నేహబంధం అలాగే కొనసాగుతుందని తెలిపారు.
వారి మధ్య గొడవలు అనేది కేవలం ఫేక్ న్యూస్ మాత్రమేనని వారి మధ్య ఎలాంటి గొడవలు లేవని ఇప్పటికి వారు తరచూ మాట్లాడుతూనే ఉంటారని రోషన్ తెలిపారు. ఇక నాన్న ఎప్పుడూ కూడా తారక్ అన్నని చూసి డ్యాన్స్ నేర్చుకో అంటూ నాకు సలహాలు కూడా ఇచ్చేవారు. అన్న లాగే నేను కూడా ఇండస్ట్రీలో మంచి పేరు తెచ్చుకోవాలని కోరుకుంటున్నాను అంటూ ఈ సందర్భంగా వారిద్దరి మధ్య ఉన్నటువంటి ఫ్రెండ్షిప్ గురించి రోషన్ చేసిన కామెంట్స్ వైరల్ అవుతున్నాయి.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
