Suma,Rajeev Kanakala: ప్రియమైన భర్తకు అంటూ రాజీవ్ కనకాలకు విష్ చేసిన సుమ!

టాలీవుడ్ యాంకర్ గా ఇండస్ట్రీలో కొనసాగుతూ ఎంతో మంచి సక్సెస్ అందుకున్నటువంటి సుమా కనకాల తాజాగా తన భర్త పుట్టినరోజు వేడుకలను ఎంతో ఘనంగా నిర్వహించారు. తన కుటుంబ సభ్యుల సమక్షంలో తన భర్త చేత కేక్ కట్ చేయించి తనకు పుట్టినరోజు శుభాకాంక్షలు తెలియజేశారు.ప్రస్తుతం ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి.
సుమ నటుడు రాజీవ్ కనకాలను ప్రేమించి పెళ్లి చేసుకున్న విషయం మనకు తెలిసిందే.

వీరిద్దరు కూడా ఇండస్ట్రీలో కొనసాగుతున్నారు. సుమ యాంకర్ గా ఎంతో మంచి గుర్తింపు సంపాదించుకోగా రాజీవ్ నటుడిగా ఇండస్ట్రీలో కొనసాగుతున్నారు. ఇక రాజీవ్ పుట్టినరోజు కావడంతో ఈమె సోషల్ మీడియా వేదికగా తన భర్తకు ప్రత్యేకంగా శుభాకాంక్షలు తెలియజేయడమే కాకుండా అనంతరం ఆయన చేత కేక్ కట్ చేయించిన వీడియోని కూడా సోషల్ మీడియాలో షేర్ చేశారు. ఇక తన భర్తకు శుభాకాంక్షలు తెలియజేస్తూ.. నా ప్రియమైన భర్తకు పుట్టినరోజు శుభాకాంక్షలు.

మీరు లేకుండా నేను నా వృత్తిలో కొనసాగడం చాలా కష్టం మీరు ఎల్లప్పుడూ నాకు సపోర్ట్ చేస్తూ నన్ను ముందుకు నడిపిస్తున్నారు. లవ్ యు రాజీవ్ అంటూ హార్ట్ సింబల్స్ షేర్ చేస్తూ తన భర్తకు పుట్టిన రోజు శుభాకాంక్షలు తెలియజేశారు. ప్రస్తుతం ఈ పోస్ట్ సోషల్ మీడియాలో వైరల్ గా మారడంతో అభిమానులు నేటిజన్స్ కూడా రాజీవ్ కనకాలకు పుట్టినరోజు శుభాకాంక్షలు తెలియజేస్తున్నారు.

ఇకపోతే ఈమె ప్రస్తుతం కెరియర్ పరంగా ఇండస్ట్రీలో ఎంతో బిజీగా ఉన్నారు. (Suma) సుమ రాజీవ్ ఇద్దరు కూడా ఇండస్ట్రీలో మంచి సక్సెస్ సాధించడంతో వీరి కుమారుడు రోషన్ ని కూడా ఇండస్ట్రీకి పరిచయం చేయబోతున్నారు. త్వరలోనే రోషన్ హీరోగా బబుల్ గమ్ అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.

జపాన్ సినిమా రివ్యూ & రేటింగ్!

జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!