Sumanth: ‘సీతా రామం’ కచ్చితంగా క్లాసిక్ గా నిలుస్తుంది: సుమంత్

దుల్కర్ సల్మాన్ హీరోగా మృణాల్ ఠాకూర్ హీరోయిన్ గా హను రాఘవపూడి దర్శకత్వంలో తెరకెక్కిన చిత్రం ‘సీతా రామం’. ‘వైజయంతీ మూవీస్’ సమర్పణలో ‘స్వప్న సినిమా’ పతాకంపై స్టార్ ప్రొడ్యూసర్ అశ్వనీదత్ ఈ చిత్రాన్ని నిర్మించారు. రష్మిక మందన కూడా ఈ చిత్రంలో కీలక పాత్ర పోషిస్తుంది.అంతేకాదు బ్రిగేడియర్ విష్ణు శర్మ పాత్రలో సుమంత్ కూడా ఓ ప్రాముఖ్యమైన పాత్రలో కనిపించబోతున్నాడు. ఈ చిత్రంలో అతని లుక్ కు సంబంధించిన పోస్టర్ రిలీజ్ అవ్వడం, దానికి మంచి స్పందన లభించడం మనం చూశాం.

ట్రైలర్ చూశాక.. సుమంత్ పాత్ర ఆకట్టుకునే విధంగా డిజైన్ చేశారు అనిపిస్తుంది. ఇక ‘సీతా రామం’ ని తన ‘గోదావరి’ వంటి క్లాసిక్ మూవీతో పోల్చి అంచనాలు మరింత పెంచాడు సుమంత్. అతని కామెంట్స్ ఇప్పుడు వైరల్ అవుతున్నాయి. సుమంత్ మాట్లాడుతూ.. ” నేను ఈ ఈవెంట్ కి చాలా క్యాజువల్ గా వచ్చేసాను. కానీ మా హీరో దుల్కర్ సూటు బూటు వేసుకొని వచ్చాడు. ఎప్పుడు.. టీ షర్ట్ లు వేసుకునే మా డైరెక్టర్ కూడా షర్ట్ వేసుకుని వచ్చాడు.

నెక్స్ట్ టైం నుండి ప్రమోషన్స్ కు నేను కూడా సూటు బూటు వేసుకొని వస్తాను. ఇక ఈ సినిమా 150 పేజీల కథ మొత్తం చదివిన తర్వాత ‘సీతా రామం’ దృశ్య కావ్యం అవుతుంది అనిపించింది.గతంలో నేను ‘గోదావరి’ అనే సీతారాముల కథ చేశాను మీకు గుర్తుందా. అది అప్పుడు క్లాసిక్ అయ్యింది.

ఇప్పుడు ‘సీతా రామం’ కూడా క్లాసిక్ అవుతుంది అని చెప్పడంలో ఎలాంటి సందేహం లేదు. ఈ సినిమా నా నమ్మకం. చాలా మంచి సపోర్టింగ్ రోల్ చేశాను. ఆగస్టు 5 కోసం ఎదురుచూస్తున్నాను. ఇది థియేటర్ లో చూడాల్సిన సినిమా. ఆగస్టు 5న అందరం థియేటర్లో కలుద్దాం” అంటూ చెప్పుకొచ్చారు.

థాంక్యూ సినిమా రివ్యూ & రేటింగ్!

Most Recommended Video

ఈ 10 మంది దర్శకులతో కనుక గోపీచంద్ సినిమాలు తీస్తే.. యాక్షన్ మూవీ లవర్స్ కు పండగే..!
డిజాస్టర్ టాక్ తో కూడా రూ.70 కోట్లు పైగా కలెక్ట్ చేసిన 10 సినిమాల లిస్ట్..!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!