చాలా కాలం తరువాత ‘మళ్ళీ రావా’ చిత్రంతో మళ్ళీ ఫామ్లోకి వచ్చాడు సుమంత్. గత సంవత్సరం ‘మళ్ళీ రావా’ అనే డీసెంట్ హిట్ తో 2017 కు గుడ్ బై చెప్పిన సుమంత్.. 2018 లో కూడా ‘ఇదం జగత్’ అనే చిత్రంతో గుడ్ బై చెప్పడానికి రెడీ అవుతున్నాడు. ఇదే నెలలో వచ్చిన ‘సుబ్రహ్మణ్యపురం’ చిత్రంతో కూడా అలరించాడు సుమంత్. ఇప్పుడు మళ్ళీ ‘ఇదం జగత్’ అనే మూవీతో పలకరించడానికి రెడీ అవుతున్నాడు. ఒక మర్డర్ మిస్టరీ చుట్టూ తిరిగే కథాంశంతో తెరకెక్కిన ఈ చిత్రంలో సుమంత్ న్యూస్ రిపోర్టర్ గా నటిస్తున్నాడు.ఇక ఈ చిత్ర ప్రమోషన్లలో భాగంగా ఒక మీడియాకు ఇచ్చిన ఇంటర్వ్యూలో సుమంత్ తనను జూనియర్ ఎన్టీఆర్ తో పోల్చుకుంటూ షాకింగ్ కామెంట్స్ చేయడం చర్చనీయాంశం అయ్యింది.
వివరాల్లోకి వెళితే నందమూరి తారకరామారావు పోలికలు ఎలాగైతే జూనియర్ ఎన్టీఆర్ కు వచ్చాయో… అలాగే తన తాత అక్కినేని నాగేశ్వరావు పోలికలు తనకు వచ్చాయంటూ సుమంత్ చెప్పుకొచ్చాడు. అంతే కాదు అక్కినేని నందమూరి కుటుంబాలలో తమ తాతల పోలికలతో వారసత్వాన్ని కొనసాగిస్తున్నది మేమిద్దరమే.. అంటూ చెప్పడం సంచలనంగా మారింది. ఇక ‘ఎన్టీఆర్ బయోపిక్’ మూవీ గురించి మాట్లాడుతూ…. ‘మహానటి’ మూవీలో నాగ చైతన్య అక్కినేని నాగేశ్వరావు పాత్రను పోషించి ప్రశంసలు అందుకున్నప్పటికీ అది అక్కినేని యంగ్ పాత్ర కాబట్టి పెద్దగా కష్టపడవలసిన అవసరం లేదని… అయితే తాను నటించిన ‘ఎన్టీఆర్ బయోపిక్’ లో అక్కినేని పాత్రకు సంబంధించి నడివయసు పాత్రలో నటించడానికి తను ఎంతో కష్టపడాల్సి వచ్చిందనీ… అయితే తనకు సజహంగా ఉన్న తన తాత అక్కినేని పోలికలు ఆ పాత్రను రక్తికట్టించడంలో బాగా సహాయ పడ్డాయని చెప్పుకొచ్చాడు సుమంత్.
