‘కపటధారి’లో ‘కీలక’ సుమంత్‌ మార్పులు

February 18, 2021 / 01:01 PM ISTByFilmy Focus

Join Us

అక్కినేని కుటుంబం నుంచి వచ్చి, వరుసగా సినిమాలు చేసినా.. పెద్దగా ఇమేజ్‌ను సొంతం చేసుకోలేకపోయిన కథానాయకుడు సుమంత్‌. కెరీర్‌లో హిట్‌ సినిమాలు ఉన్నా… అవి అప్పుడప్పుడు వస్తుండేవి. దీంతో నిలకడ లేక ప్రతిసారి హిట్‌ కోసం ఎదురుచూసే పరిస్థితి. అయితే ఈసారి గట్టిగా కొట్టాలని కన్నడ హిట్‌ సినిమాను ఎంచుకున్నారు. అక్కడ మంచి విజయం సాధించిన ‘కవళుదారి’ సినిమాను తెలుగులో రీమేక్‌ చేశారు. త్వరలో ఈ సినిమా ప్రేక్షకుల ముందుకు రాబోతోంది. ప్రచార చిత్రాల్లో సుమంత్‌ను చూసి, భలే ఉన్నాడే అనిపించింది.

అయితే ఈ సినిమాకు సంబంధించి సుమంత్‌ మరో టాలెంట్‌ బయటికొచ్చింది. ముందుగా చెప్పుకున్నట్లు ‘కపటధారి’ కన్నడ రీమేక్‌. 2019లో శాండిల్‌వుడ్‌లో ఘన విజయం సాధించింది. ఈ సినిమా రీమేక్‌ పనుల కోసం చిత్రబృందం భాషాశ్రీని ఎంచుకున్నారు. అయితే ఇంకొకరు ఈ విషయంలో సాయపడితే బాగుంటుంది అనిపించిందట. దీంతో సుమంత్‌ను సంప్రదించారట. ఈ క్రమంలో సుమంత్‌ సినిమా స్క్రిప్ట్‌, డైలాగ్స్‌ విషయంలో కొన్ని మార్పులు చేశారట. డబుల్ పాజిటివ్‌ చూశాక ఇంకొన్ని మార్పులు సూచించారట.

ఈ సినిమా తెలుగు, తమిళంలో ఒకేసారి రూపొందుతోంది. కన్నడలో సిబి సత్యరాజ్‌ నటించిన ప్రధాన పాత్రలో సుమంత్‌ ఇక్కడ నటిస్తున్నాడు. నిజానికి ఈ సినిమా గతేడాది మేలోనే విడుదల కావాల్సింది. కరోనా – లాక్‌డౌన్‌ కారణంగా సినిమా వాయిదా పడుతూ… ఇప్పుడు విడుదలవుతోంది.