Sundeep Kishan: కోలీవుడ్ లో ఇమేజ్ పెంచుకుంటున్న హీరో!

ప్రముఖ సినిమాటోగ్రాఫర్ ఛోటా కె నాయుడు మేనల్లుడు సందీప్ కిషన్ హీరోగా ఇండస్ట్రీలోకి ఎంట్రీ ఇచ్చారు. నటుడిగా కెరీర్ ఆరంభంలో మంచి హిట్స్ అందుకున్నారు. ‘ప్రస్థానం’ సినిమాలో అతడి నెగెటివ్ రోల్ కి విపరీతమైన క్రేజ్ వచ్చింది. ఆ తరువాత ‘వెంకటాద్రి ఎక్స్ ప్రెస్’తో భారీ హిట్ అందుకున్నారు. తెలుగులో చాలా సినిమాలే చేశారు. కానీ స్టార్ ఇమేజ్ అందుకోలేకపోయారు. ఈ మధ్యకాలంలో అతడు నుంచి సరైన సినిమాలు రావడం లేదు.

మంచి టాలెంట్ ఉన్నప్పటికీ.. దాన్ని సరిగ్గా వినియోగించుకోలేకపోతున్నాడనే విమర్శలు వస్తున్నాయి. అయితే తెలుగులో మంచి కంటెంట్ ఉన్న సినిమాలు ఎన్నుకోవడంలో తడబడుతున్న సందీప్ కి తమిళంలో మాత్రం మొదటి నుంచి మంచి సినిమాలు పడుతుండడం విశేషం. లోకేష్ కనగరాజ్ మొదటి సినిమా ‘మానగరం’లో సందీప్ కిషనే హీరో. ఆ తరువాత ‘మాయవన్’ అనే థ్రిల్లర్ సినిమాలో నటించారు సందీప్. అలానే ఓటీటీ ప్రేక్షకులను ఆకట్టుకున్న ‘కసాటడబార’ అనే మరో వెబ్ ఫిల్మ్ లో కూడా సందీప్ కిషన్ నటించి ఆకట్టుకున్నారు.

ప్రస్తుతం ‘మైకేల్’ అనే సినిమాలో నటిస్తున్నారు. ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఇదిలా ఉండగా.. ఇప్పుడు సందీప్ కిషన్ మరో భారీ ప్రాజెక్ట్ లో అవకాశం దక్కించుకున్నారు. ధనుష్ హీరోగా దర్శకుడు అరుణ్ మాతేశ్వరన్ ‘కెప్టెన్ మిల్లర్’ అనే సినిమాను తెరకెక్కిస్తున్నారు.

పాన్ ఇండియా ప్రాజెక్ట్ గా దీన్ని రూపొందిస్తున్నారు. ఇందులో సందీప్ కిషన్ కి ముఖ్య పాత్ర దక్కింది. ఓ పక్క తెలుగులో సరైన అవకాశాలు లేక.. హిట్టు కోసం పరితపిస్తున్న సందీప్ కిషన్ కి తమిళంలో మాత్రం మంచి మంచి అవకాశాలు వెతుక్కుంటూ రావడం విశేషం.

ఆ అమ్మాయి గురించి మీకు చెప్పాలి సినిమా రివ్యూ & రేటింగ్!

Most Recommended Video

శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!