Sundeep Kishan: సందీప్‌ కిషన్‌ సినిమా కూడా ఆ దారిలోనే…!

కరోనా పరిస్థితులు, లాక్‌డౌన్‌ కారణంగా చాలా సినిమాల విడుదల ఆగిపోయింది. చాలావరకు పూర్తి అయిపోయిన సినిమాలు, చివరిదశలో ఉన్న సినిమాలు విడుదల కాకుండా ఆగిపోయాయి. అలాంటివాటిలో సందీప్‌కిషన్‌ ‘గల్లీ రౌడీ’ ఒకటి. కరోనా సెకండ్‌ వేవ్‌ ముందు ఈ సినిమా రావాల్సింది. అయితే ఇప్పుడు పరిస్థితి చూస్తే… ఈ సినిమా కూడా ఓటీటీ బాట పట్టేలా ఉంది. సినిమాలు ఎప్పుడు విడుదలవుతాయనే విషయంలో క్లారిటీ లేకపోవడంతో చిత్రబృందం ఓటీటీ ఆలోచన చేస్తోందట.

సందీప్ కిషన్‌కు ఇటీవల సరైన హిట్లు లేవు. అయితే ‘గల్లీరౌడీ’ ప్రచార చిత్రం మాత్రం కాస్త ఆకట్టుకునేలా ఉంది. దీంతో సినిమా మీద చిన్నపాటి అంచనాలు ఉన్నాయి. వాటిని క్యాష్ చేసుకునే ప్రయత్నంలోనే ఓటీటీ విడుదల చేయాలని చూస్తున్నారు. దీని కోసం ప్రముఖ ఓటీటీలతో చర్చలు సాగుతున్నాయట. ₹ఐదు నుండి ₹ఆరు కోట్లకు డీల్‌ ఫైనల్‌ అవ్వొచ్చని అంటున్నారు. ఇప్పటికే సినిమా పేరు ఒకసారి మారింది. ‘రౌడీ బేబీ’ నుండిచ ‘గల్లీ రౌడీ’గా మారింది.

ఇప్పుడు కరోనా కారణంగా స్క్రీన్‌ కూడా మారబోతోందన్నమాట. మరి వెండితెరపై సరైన హిట్‌ కొట్టలేకపోతున్న సందీప్‌కిషన్ ఓటీటీలో అయినా విజయం సాధిస్తాడేమో చూడాలి. ఒకవేళ అదే జరిగితే… ఇలాంటి అవకాశాలైనా వస్తాయి. చూద్దాం… పేరు మారినట్లు స్క్రీన్‌ మారాక ఫేట్‌ మారుతుందేమో.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!