సందీప్ కిషన్ సినిమాకి అప్పుడే లాభాలు వచ్చేసినట్టేనా?

ఇక సందీప్ కిషన్ పని అయిపోయింది అనుకున్న టైములో ‘నినువీడని నీడని నేనే’ అంటూ ఓ హిట్ అందుకుని మళ్ళీ ఫామ్లోకి వచ్చేసాడు. ఆ సినిమాతో భయపెట్టిన సందీప్ ఈసారి నవ్వించి హిట్ అందుకుంటాను అంటున్నాడు. సందీప్ నటిస్తున్న తాజా చిత్రం ‘తెనాలిరామకృష్ణ బి ఏ బి ఎల్’ నవంబర్ 15న విడుదల కాబోతుంది. కామెడీ చిత్రాలను తెరకెక్కించడంలో దర్శకుడు నాగేశ్వర రెడ్డి స్పెషలిస్ట్ అన్న సంగతి అందరికీ తెలిసిందే. అగ్రహారం నాగిరెడ్డి నిర్మిస్తున్న ఈ చిత్రంలో హన్సిక హీరోయిన్ గా నటిస్తుంది.

ఇక ‘తెనాలి రామకృష్ణ’ సినిమాకి మంచి ప్రీ రిలీజ్ బిసినెస్ అవుతుందని తెలుస్తుంది. ఇక విడుదల కాకముందే ఈ చిత్రానికి సగం పెట్టుబడి రికవర్ అయిపోయిందని సమాచారం. అసలు విషయం ఏమిటంటే.. ‘తెనాలిరామకృష్ణ బి ఏ బి ఎల్’ చిత్రానికి శాటిలైట్ మరియు డిజిటల్ రైట్స్ కు ‘స్టార్ మా’ వారు ఏకంగా 3 కోట్లకు కొనుగోలు చేసిందట. సందీప్ కిషన్ సినిమాల్లో ఇదే హైయెస్ట్ అని తెలుస్తుంది. మరి ఈ చిత్రంతో సందీప్ కిషన్ ఏ స్థాయి హిట్టందుకుంటాడో చూడాలి..!

తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!