సన్నీ చాలా కష్టపడి నటించిందంట!!

“ప్రేక్షకుల స్పందన కోసం ఆత్రుతగా ఎదురు చూస్తున్నా. త్వరలో విడుదల కానున్న రొమాంటిక్ డ్రామా ‘వన్ నైట్ స్టాండ్’లో బాగా నటించడానికి చాలా కష్టపడ్డా. నా నటన చూసిన తర్వాత వారు ఏవిధంగా స్పందిస్తారో” అంటోంది సన్నీ లియోన్. భారతీయ చిత్ర పరిశ్రమకి శృంగారంలో సరికొత్త అక్షరాలు నేర్పిందీ ఒకప్పటి నీలి చిత్రాల సుందరి. అందాల ప్రదర్శనలో హద్దులను ఏనాడో చెరిపేసింది.

ఇప్పటి వరకూ అరడజను హిందీ చిత్రాల్లో నటించిందీ భామ. ఒక్క చిత్రంలోనూ ఈవిడ గారి నటన గురించి ఒక్కరూ మాట్లాడిన పాపాన పోలేదు. అమ్మడి అందాన్ని ఆరాధించడం మినహా నటనను చూసే ప్రేక్షకులు బహుశా.. తక్కువమంది ఉండుంటారు. శృంగార తారగానే ఎక్కువమంది అభిమానుల ఆదరణ దక్కింది. కానీ, సన్నీ మాత్రం నటిగా పేరు తెచ్చుకోవాలని ఆశ పడుతుంది. ‘వన్ నైట్ స్టాండ్’ చిత్రం గురించి మాట్లాడుతూ.. “నా గత చిత్రాల కంటే భిన్నమైనదీ చిత్రం. ఒక్క రాత్రిలో జరిగిన సంఘటన వాళ్ల జీవితాల్లో ఎటువంటి మార్పులు తీసుకొచ్చిందనే కథాంశంతో తెరకెక్కింది. రాత్రికి ముందు, తర్వాత జరిగిన పరిణామాల చుట్టూ కథ తిరుగుతుంది. ఈ తరహా కథల్లో ప్రేక్షకులు నా నటనను ఎలా స్వీకరిస్తారో.. నాకష్టం తెరపై కనిపిస్తుందని ఆశిస్తున్నాను” అని అంటోంది. సన్నీ మాటలకూ.. విడుదలైన ‘వన్ నైట్ స్టాండ్’ ప్రచార చిత్రాలకూ సంబంధమే లేదంటున్నారు ముంబై జనాలు. ఆమె గత చిత్రాల తరహాలో ‘వన్ నైట్ స్టాండ్’ ప్రచార చిత్రాల్లోనూ శృంగారం ఎక్కువైందన్నారు.

https://www.youtube.com/watch?v=f-oWGnku_pw