పోర్న్ స్టార్ టర్నడ్ హీరోయిన్ టర్నడ్ ఐటెమ్ గర్ల్ టర్నడ్ బిజినెస్ లేడీ టర్నడ్ సోషల్ సెలబ్రిటీ సన్నీలియోన్ తెలుగులో ఇప్పటివరకూ మూడు సార్లు దర్శనమిచ్చింది. “కుల్ఫీ” అనే తమిళ అనువాద చిత్రంలో ఐటెమ్ సాంగ్ చేసిన సన్నీలియోన్ అనంతరం మంచు మనోజ్ “కరెంట్ తీగ”లోనూ ఒక స్పెషల్ రోల్ కమ్ ఐటెమ్ సాంగ్ చేసింది. ఆ రెండు సినిమాలు యావరేజ్ లుగా మిగిలిపోయినా.. సదరు సినిమాల్లో సన్నీ స్పెషల్ సాంగ్స్ మాత్రం వైరల్ అయిపోయాయి. తర్వాత చాలామంది సన్నీలియోన్ చేత తమ చిత్రంలో స్పెషల్ సాంగ్ చేయించాలనుకొన్నప్పటికీ ఆమె బడ్జెట్ అందుబాటులో లేకపోవడంతో ఉరుకున్నారు. మొన్నామధ్య పూరీ జగన్నాధ్ “రోగ్” ఆడియో ఈవెంట్ లో స్పెషల్ పెర్ఫార్మెన్స్ చేసింది.
మళ్ళీ ఇన్నాళ్ల తర్వాత రాజశేఖర్ హీరోగా ప్రవీణ్ సత్తారు దర్శకత్వంలో తెరకెక్కుతున్న “గరుడ వేగ” చిత్రంలో “డియో డియో” అనే స్పెషల్ సాంగ్ లో తన అందాలతో కనువిందు చేసేందుకు సన్నద్ధమవుతోంది. అయితే.. నవంబర్ 3న విడుదలవుతున్న ఈ సినిమాలో తన స్పెషల్ ఏరేంజ్ లో ఉండబోతోందో ఒక గ్లింప్స్ ఇవ్వబోతోంది సన్నీలియోన్. అక్టోబర్ 27న హైద్రాబాద్ లో నిర్వహించనున్న “గరుడవేగ” ప్రీరిలీజ్ ఈవెంట్ లో సన్నీలియోస్ లైవ్ పెర్ఫార్మెన్స్ ఇవ్వనుంది. సన్నీ పెర్ఫార్మెన్స్ కోసం ప్రేక్షకులు ఇప్పట్నుంచే ఆత్రంగా ఎదురుచూడడం ఆరంభించారు. చూస్తుంటే.. ఈ పబ్లిసిటీ పుణ్యమా అని “గరుడవేగ” చిత్రానికి ఓపెనింగ్స్ బానే వచ్చేలా ఉన్నాయి.
